الماي فير لــ الشاعر محمد السالم
مرّوا على مفرق "الريان"وادعوني = يمكن حقيبة دموعي معكم تسافر!
يمكن تسولف لكم عن حاجة عيوني = لعيونكم ؛ لا ضواني حزني الثاير
على غياب ملأ ؛ دلوه من طعوني = يروي ظماياه من صدري وانا صابر!
يا معزمين السفر ؛ يرضي تخلوني!= ياويش انا بعدكم لا مرني باكر ؟
لامر باكر وحيد إلا من حزوني = وتكسر الشوق في صدري وانا ناطر
تجون من بُعدكم ؛ يامن سكنتوني = بغيابكم ؛ والحزن أول بلا آخر!
ياكثر من غيركم من لا يهموني = في قربهم جاحد وفي حبهم كافر
من مر طاري السفر وانا يمروني = طيوف شخصٍ وحيد يكسر الخاطر
في "الماي فير" السكن لو مارأيتوني = تأكدوا الشوق مني عندكم حاضر
من دونكم ويش أنا؟ ؛ ويش انتم بدوني؟ =إلا خطئة فقيرٍ مالها غافر!
يملأني إيمان ؛ بانكم لو خذلتوني = تبقون لي في الورى ما يبهج الناظر
لا ؛ لا يطول السفر يا من ملأتوني = بغيابكم عادكم في "الشارع العاشر!"