[إملاءات المطر]

وطن مجفي لــ الشاعرة رزان العتيبي:

{ مدخ ـل
رعشة خفوق .. !

سـ أنزف إلى أن يملّ النزف "

أدوّرني | ولا ألقى .. أثر يكشف مكاني وين ..!= أدوّرني | وأثاريني .. وطن مجفي من أحبابه
مَ غير الهم يرسمني حكايا ترفض التّلوين= سِوى بلون السواد اللي جروحة سبّة أتعابه
ثلاث سنين والفرحة تعاندني ثلاث سنين= وأنا من يوم مافارق عيوني أبكي غيابه
ثلاث سنين أصوّت له ويخنقني شهر تشرين= يزيد الجرح في صدري ويرميني على بابه
ثلاث سنين أنزف له على سكّة جروح البين= ولايحضنّي إلا الهمْ وشارع فاقد أصحابه
أجمّع دمعتي/حزني/طعونٍ ماأعرف منين ..!= بقايا فرحتي/ضحكي .. وأطيّر للسماء أسرابه
تعبت أتنفسة ضيقة ويكبر داخلي تخمين= يبي يرجع يلملمني ! بعد ماضعت ب/أسبابه !
وأنا في غيهبة حزني خذتني صورة لطفلين= ملامحهم تشابهنا .... وحتى الضحك متشابه
زوايا بيتنا.. جدراننا .. همساتنا الأثنين=بقايا نظرته .. تسريحته .. شمّاعة ثيابه
أنا أذكرها محبتنا..شقاوتنا..بيوت الطين= وصوتٍ لاسكن فكري .. سرحت أشكيه لألعابه
يجيني ليش زعلانة..! ويحضن وجهي بكفين= وأتمتم حيل ما" أحبك " ويضحك حيل كذابه
رسمته حلم فرّحني سكنّي واستحل العين= تعمّق داخل عروقي عشق طاهر محد صابه
زرعني في تفاصيله وغاب بضحكة الواشين= تعلّم منّهم يَقسِي .. حصدني شوق يغتابه
رحل واستاحشت روحي وقلبي إنشطر نصفين=تخبّى نصف في كمّه .. وذاك برفّ دولابه
كبيره إنّي أخونه بسيط (ا)نكون له وافين= أنا / وإحساسي / وكلمة / تخبّت داخل كتابه
أحسّ بداخلي شعبٍ تعب من كثرة التوطين= تجرّد منّي ومنّي خذا من صدري ترابه
تعبت أستنزفه فيني آنينٍ إشتعل بي لين=طفى وهجة من أعماقي وذابت ل/أجلي أهدابه
أغنّي له أنا بعدك صحاري ملّها التكوين=حزينه / تَعْزِفْ ضلوعي لحون بنغمة عتابه
فقدته / وإنكسر عشقٍ تبلّور ف الخفايا زين= وضاعت معه احلامي وضعت بزحمة أطيابه

مخ ـرج }
صمت قاتل .. !