[سلطان السيفي]

السلام عليكم ورحمة الله وبركاته


ها أنا قد عدت من جديد أليكم وأعتذر عن غيابي الذي طال



اليكم


بنقش عذابك داخلي يا اسود العيـن
والشعر داجي تلتحف بـه متونـك
فوق الكتوف مطرزّه كامل الزيـن
والصدر يحمل جوهره من جنونـك
تسوي قبيله في عيـون المهميـن
والعنق وضحى في فلاهم يرونـك
والنحر كنه يشرق البـدر بدريـن
يسبي بنوره كـل شاعـر فكونـك
والخصر قوسٍ قبته طول شبريـن
والردف يشبه هضبتٍ في شؤونـك
ال(ح) حريبه عينها صابـت البيـن
بيض الحواري ساكنه في جفونـك
وال(ل) لمتها شفاهك على الليـن
والثغر حاوي في شفاتـه سنونـك
وال(ي) يمامه طابعه حرفها الزين
وال(م) تسكن في سحايب مزونـك
وال(ه) هواها صادفه شهر تشرين
والقلب صامت في حنايـا سكونـك
بزرع خفوقي داخلك كانـك تبيـن
وانذر حياتي لـو بغـو يحسدونـك
حارت وصوفك تتبع الهند والصيـن
اصل العرب تحمل محاسن فتونـك
لبنان تونس والجزائر فـلا اثنيـن
تجمع جمالك لو بغـو يوصفونـك
ماسك وصايا داخلي عـام لالفيـن
تسوى حياتـي جعلهـا ماتخونـك
يازين ذكرك في كتـاب المحبيـن
يرقوا على شانك قصدهـم يبونـك
مثل الاماره مذهب الحـب للزيـن
والوصل ترسه يحمي أقوى حصونك
الحب أرض مقدسه تنصف البيـن
والعشق سيفه طاوعه من يصونك
لاجلك اكابر وانتي تقسي وتنسيـن
بس النهايه انـزوي فـي عيونـك
داخل حياتك مرفـأي لا تروحيـن
تزهر سنيني في حنايـا غصونـك
الشمس تشرق والخليقه على ديـن
وانتي ديونـي لا غـدو يسألونـك
لكن حسافه وصلك اليوم فالطيـن
وادري الحيايا ساكنه في ضنونـك
تفرز سمومٍ يطرح الكـل فالشيـن
وتموت ارضٍ داسها مـن لفونـك
سبعين واحد بينهـم كامـل الديـن
عشره تمنـو قصدهـم يخطفونـك
تدرين أحبـك وأدري انـك تحبيـن
والعلم عنده خالق الحسـن لونـك
تسوي ثلاث اميه وخمسه لبعديـن
وانتي سنيني لو بغـو يحسبونـك




حرف ال(ح)= الحاء
ال(ل)= اللام
ال(ي)= الياء
ال(م)=الميم
ال(ه)=الهاء


سلطان السيفي

19/12/2008بتاريخ