[خالد الغاشم]

الله يجبرنا ويجبر كسرنا = ويغفر لموتانا موتى المسلمين
راح العزيز اللي عليه اجتمعنا = راح رمضان وسحّت بدمعها العين
جانا غريب وراح مابه شعرنا = عشرين وعشرٍ كنها صرف يومين
راح وبعدنا ذنبنا ماغسلنا = مدري يجوز يكون هالعيد تأبين ؟
ياليلة الختمه عسى الله رحمنا = عسى شملتنا رحمته والمصلين
ياواسع الرحمه عليك اتكلنا = ولك التجينا واحتمينا ذليلين
لأمرك تمثلنا وفيك اعتصمنا = وبسمك لهجنا يارحيم آلثقلين
نرجيك رجوى قاصر الحظ وإنّا = لكتابك المحفوظ بالحق تالين
ترفا خطايانا وتجبر جهلنا = تغفر لنا ذنوبٍ بشتى الميادين
إقبل دعانا ولا تخيّب أملنا = وإحسن لنا الختمه بثقل الموازين
باسماءك الحسنى إليك ابتهلنا = وبسامي صفاتك نسألك مستجيرين
من نارك اعتقنا وبدّل عملنا = من سيئ لصالح ومن شينه لزين
ولجنة الفردوس أرحم وسقنا = مع زمرة اهل العزم نرجيك داعين
خوف ورجا من جهدنا لك بذلنا = وأنت الغني يارب وحنّا فقيرين
منك استمدينا وعليك اعتمدنا=مع وافر التقصير نسألك يا معين

دايم