[عبد الله البطاشي]

ترنيمة الماي / والناي / والملح

ويعني جات هالمره أغني فـ البُكى ليلاي ؟
,,,,,,,,,,,,,,,,,,,,,,,,ويعني جات هالمره أحايل من غلق بابه؟
ترى مليون مره كنت أموت وتنكتم شكواي
,,,,,,,,,,,,,,,,,,,,,,,ترى مليون مره ذاق قلبي صفعة احبابه
عذابٍ من يسار ومن يمين إلين حد أقصاي
,,,,,,,,,,,,,,,,,,,,,,,إلين النور صار الليل يلعن كثرة غيابه
أنا أول قبيلة حزن سالت في نزيف بكاي
,,,,,,,,,,,,,,,,,,,,,,,وأول من رأى في الحلم ان الأرض كذابه
مهانه بالمسا والصبح حنظل وسط كوب الشاي
,,,,,,,,,,,,,,,,,,,,,,,تحب وما تحب إلا حروف الغم واعرابه
ويعني وش حصل لو كنتي آخر من ترك دنياي؟
,,,,,,,,,,,,,,,,,,,,,,,ترانا ما تعبنا من هموم الحُب واتعابه
ذهابك أو إيابك ما يسد ثقوب هذا الناي
,,,,,,,,,,,,,,,,,,,,,,,مدامه ذاب هذا الملح أفضْـل أغلق جرابه
أنا هذا الوحيد اللي كسر شفرة سواقي الماي
,,,,,,,,,,,,,,,,,,,,,,,عرفت الساقية والكل يغسل بينها ثيابه
وأنا أول قبيلة حزن لمت داخلي ذكراي
,,,,,,,,,,,,,,,,,,,,,,,وأول من رأى في الحلم نار بتسرق ألعابه
ويعني جات هالمره أحاسب من سرق أشياي؟!
,,,,,,,,,,,,,,,,,,,,,,,ترانا كلنا نسرق وكلن يرفع حسابه
ويعني جات هالمره أغني فـ البكا ليلاي ؟
,,,,,,,,,,,,,,,,,,,,,,,ويعني جات هالمره أحايل من غلق بابه؟