[عبدالرحمن مازن العطاوي]

.
.

السلام عليكم ورحمة الله وبركاته
بالتوفيق للـ منتدى واصحابه
حضور خفيف بإذن الله ومصافحه اولى بينكم ،،

جتني تّهل دموعها في وسطها ضيـق وكـدر=تشكي وانا أشكي مثلها عما يجـور بداخلـي
الفكر تايه وقتها كنـي ولانـي أمـع البشـر=ليلٍ تجلاّ بالنكـد ليـن الصبـاح أنبـان لـي
ثم عقبها قلت السبب: قالت عيونـي والعطـر=أشوف عطرك والدمع غّـرقّ بقايـا ساحلـي
دمعاتها وضيقة صـدر.. الله يعينـك ياصـدر=كومة شقاوي وأحزمة دمعاتها في معملـي.!
قلت الفرج بكـره يجـي عنـي أنـا أبنتظـر=قالت وأنا ياصاحبي وشهو جوابي لسأئلـي.!
قلت أسمعي الله بعون اللي على الدنيا صبـر=ترقّبي يـوم الفـرج .. تأملـي .. تفاولـي !
ياليـل تكفـى طالبـك .. دمعاتهـا لاتنهـدر=إلا بكت ماعـاد أعـرف أخـري مـن أولـي
ياليل جيتك خابرٍ لـي عنـدك أفضـال وقـدر=كم ساعةٍ اضفتها حزن وقهر فـي جدولـي .!
ساكن معك ومسامرك تعطيني وأعطيك السهر=ماأشحّ لك قصائدي ..ولاشح لك في مواصلي.!
والله ماقوى دمعها يذرف وانـا الّـد النظـر=ماأطيق اشوف أجوائها تشكيّ مباعد منزلـي
المسأله تشتاقلي شـوق الصحـارى للمطـر=وترجع تلفت حولها ..بدمعاتهـا تشتاقلـي.!
شفت المحبه كيف تجمع بين قبطـان وبحـر=هذا أنا في بحرهـا عايـش وواثـق ماعلـيّ
أنا ورب اللي خلق لو مانـي مؤمـن بالقـدر=إن كان تلقى مخرجي متساويٍ مع مدخلـي.!
ياليل جتني بدمعها في وسطها ضيـق وكـدر=تشكي وانا اشكي مثلها عما يجـور بداخلـي

وسلامتكم ،،