اقدم للحبيبه عذر ترفـض تقبـل اعـذاري=تعاند باتهام الكـذب ترفضهـا بـلا تبريـر
تعاندني واعاندهـا بعقلـي ماخـذن ثـاري=وقلبي يرفع الدعوى مطالب وبحقوق الغيـر
اعرف انه عميلن لك وجاسوسك على افكاري=شياطين الفكر ثارت بغزوك تطلب التحريـر
اذا ودك اعيش بنار ترى اوقدت لي نـاري=صدودك يالغضي حاله غريبه مالها تفسيـر
حقول الغام تزرعها بوجه الهاجس الطـاري=تعززها القنابل قصف تمحي لحظة التفكيـر
تعالي نجلس بجلسة حقوق وبكشف اسراري=خريطة واقعن ماضي بفعلك مثبته تصويـر
تعدى طيفك الغاشم على جـدران اسـواري=خساير راحتي دمعن قتلتي قصـدك التدميـر
ولم تفلح دفاعاتي بصد هجومكي الضـاري=خساير حربنا اكبر من اللي يوضح التقريـر
تعالي نعلن الهدنه لوقف اطـلاق اجبـاري=لناخذ بالحوار الحل دعينا نوجـد التطويـر
نبي نبدأ حلول السلم نحقن دمعنـا الجـاري=خسرنا وقت كان افضل قضينا ندعم التعمير
كفانا بسط للسلطـه بقـوه فكرنـا العـاري=شهدنا حرب للقدرة وشعبن يرفض التغريـر