[ناصر حطاب العنزي]

السلام عليكم ورحمة الله وبركاته

يشرفني الإنظمام الى هالمنتدى الرائع , واشكر الأخ الغالي حمدان الرويلي على هالدعوة كما أشكر الإدارة وجميع القائمين على هالصرح لجهودهم وسعيهم على إنتقاء أعضائهم بعناية....

ويسعدني أن أضع أول لبنة في هذا المنتدى , وأتمنى ان تنال إعجابكم

(( هرجة شمالي ))

العطش أزهق جذورك وإنكتم صوت الطموح=ومارد امآلك يطالب ضيقة أخطاءك فرج
حلّت اللعنه بوجودك وإنتهت هيبة صروح=حتى مفهوم الصداقة داخل الجوف إنحرج
أنطفى قدرك وبانت أذرع الطيحة تلوح=طامعه برجْعت شهاب(ن) بالسما زم وعرج
مبهمه عتمة غموضك زادها نزفي وضوح=وخيالك اللي تمخضينه زل عقله وإنمرج
معْذور مثله لو يهذري بالخلا وحده ينوح=كان كل حلمه خروج وإنصدم يومه خرج
مالقى عقل(ن) يلمّه وطاحت أفكاره تنوح=طيحة أقدامن عجولة غرّها قِصر الدرج
إحترق زيفه وصابت كفه اليمنى قروح=ورجله اللي زل فيها عابت وسِمّيْ عرج
إنّعمت عينه بزيفه وظل بالسكة يسوح=إيتخبط في عصاة وما على الأعمى حرج
مادرى إنه شخص تافه مهنته نقض الجروح=طاح في قبضة شمالي دك خيله ثم سرج
كم مرجوج(ن) تمرد حاقد وقافه يفوح !=صارت علومه عوافي وناطحه قاف(ن) أرج
مابغيت أكتب ولكن واضحة كل الوضوح=جِرّه لخرب(ن) مذيّر دش قاعي ثم درج
وكل إناء(ن) ياعظيمة يفضحه زول النضوح=هرجه لشاعر شمالي يبهرك لامن هرج
العطش أهلك جذورك وإنكتم صوت الطموح=ومارد امآلك يطالب قسوة الضيقة فرج

وسلامتكم

وكل الشكر لكل من مر من هنا

أخووووووووووووووكم

ناصر حطاب الدهمشي