وش صار فيني...!؟ إلا قل ويش ماصار..!؟=كن الزمـــــــــــن الاغبر علي حط عينه.,,
اسرار..!؟ لا والله ماعادت اسرار.=وشلون اداري والمعالم حزينـــه!!
بعيوني الدمعه لها برق وأمطار.=وللحزن في صوتي وقار وسكينه..
هذي ملامح غرفتي باب وجداااار.=كلن على الثاني يجود بونينــــه!!
هذي المرايه والزوايا والأزهااار..=من دون روح بحضرتي مستهينه!!
والوم شباكي مع ان مالي اعذار.=لابارك الله في الغباء وسنينــــــه!!
باقي شوي ويمكن آجن وانهار.=والعقــــل في تركيبة البنت زينه!!
أخاف اهوجس واحرق الحلم بالنار.=أخاف تذبل فينــــــــي الياسمينه!!
من كل صوب يحدني جيش الافكار.=بين الجهات اندب خفوقي وادينـه!!
وآخر خبر في جعبتي غير الاخبار.=مثل البحر ليلة هروب السجينـــــه!!
البارحــــــه .. جهزت نفسي للإبحار.=شديت حملي,,,وامتطيت السفينه!!
ماهو لأني وحده تحب الاسفاااااار.=المشكله ضاقت علي المدينـــــــه..!!