مُقصره
فـ لكم من العذر أسراب ..
خذني معك لـ أبعد مدى يقدر خيالك يوصله
خذني هوى دام الهوى هو للبشر سلطانها
خذني أداوي هـ الجروح اللي بصدرك موغله
بـ اجمع لها طب الشعوب اللي مضت بازمانها
خذني اذا ضاق الفضا والارض صارت موحله
اجيك سرب من الغرام .. يغرّدك بألحانها
خذني بعد عمر الشقا .. انا مرامك .. والوله
أفداك وتفداك السنين .. دامك ورود اغصانها
صدقني في روحي غلا .. لو تعلمه .. ماتهمله !
ماودي اشرح لك واعيد اخاف زود اشجانها
لاتسأله ليه عشقك .. ليه عشقك .. لا تسأله
ذا القلب صاحب رحلتك ومجدافها وأوطانها
/
تعبت ألمح لك واقول ياهيه فيني أسئله
ليه انتظر ثم انتظر .. والروح جنّ جنانها
كذا انا مدري لمتى اعيش عمري واجهله !
لا تغيب وتترك حيرتي أصيغها بأوزانها
إما بتاخذني معك .. لأبعد مكانٍ توصله
والا ترى هذي الحياه تفقد جميع ألوانها
.