صباح/ مساء السُكر ،،
لقلبِ املاءات المطر
(ليت قلبي من صخر)
من حديثِ أشعاري
ليت قلبي من صخر / لا يِحن و لا يـذوب=و لا يدغدني شعوري لي شفوف الهاويـه
لا يهمَنّي شروقه و لا يَهمنّـي ، غـروب=ع الفراق اليوم كلي عـن هواهـم ناويـه
يا قليبي لا تِرَخي / هدنتك امست حـروب=يكفي اني كم كبته كـم حزونـي طاويـه
ما بقى فيني مكانٍ يحتمل منـه ضـروب=للعنا ما عدت اقـوى/ للجنـون امخاويـه
آه يا عمرن يعاني و الهوى فيه امغلـوب=و الجراح ابكل نوعٍ في ضلوعـك حاويـه
كم تجرعتك حسافة كم تجرعتـك حبـوب=ريتها تِسكّن ملامح من لهيبه / ضاويـه
و لا فوايد من كلامي و الرضا فيّ امعطوب=و الألم ينهش حروفٍ ... للمآسي ، راويه
قلب ما بيده يغير مـن معالمهـا اللعـوب=و الوجوه اليوم امست فـالأذى متساويـه
ما اقول الا سلامي / من بعد عذري وجوب=أحمل احلامي و أرحل / قبل أهوي ذاويـه
ما بقى للقول معنى ما بقـى الا الهـروب=يوم مالي بالأماني و لا دموعي / قاويـه
ليت قلبي من صخر / لا يِحن و لا يـذوب=و لا يدغدني شعوري لي شفوف الهاويـه
لا يهمَنّي شروقه و لا يَهمنّـي ، غـروب=ع الفراق اليوم كلي عـن هواهـم ناويـه
وسلامتكم،،
ارقـ التحايا،،
بريشتي// جنون الشعر