يا نفس ..
السلام عليكم ورحمة والله وبركاته
عذراً للغياب .. وهذه أبيات متواضعة للتواصل معاكم
يا نفس : دامنِّـك عَليَّـه تمونيـن = تمهَّلي يا نفس وإخـذي وصاتـي يا نفس : لو نَدرس حقوق وقوانين = العِلـم للـي كَــوَّن الكاينـاتـي يا نفس : رُوفي وإحذري لاتِمَنِّيـن = بعض المُنىَ يا نفس ياذي لِذاتـي يا نفس : لا تشكين لَـوِّك تِعانيـن = وأدري ترى صبرك يجمِّل صفاتـي يا نفس : حَذَّرتـك أنا لا تَرَجِّيـن = إلا لِــرب ٍ عـالـم الخافيـاتـي يا نفس : تُوبي وإقنعـي لا تَعَدِّيـن = وهذا من الدِّنيـا رجـاي ومُناتـي يا نفس : أنا أعرفك عسى ما تِماديـن = وأنا أفهمك لو كـان يكثـر سكاتـي يا نفس : أنا ما أمشي على ما تودِّين = في معصية مثلك طريـق لنجاتـي يا نفس : يا ليتك لمثلـي تراعيـن = ولا أبي منك يا نفس تكثر شماتـي يا نفس : رَبِّيتك على العز والدِّيـن = إمشي بهم يا نفس تسعـد حياتـي يا نفس : لك لحظات فيها تعيشيـن = ولا بُـدّ من بعـد الحيـاة المماتـي يا نفس : لي دعوه عسـاكِ تلبِّيـن = لا تفَكِّري باللي مضىَ لك وفاتـي يا نفس : لا حَسِّيتي إنِّك تضيقين = تِضَرِّعـي لله بـعـزم وثبـاتـي يا نفس : ناجيتك وقلت إسمعي زين = مابـي متاهـات ٍ تكـدِّر مباتـي يا نفس : أنا بنطركِ حتـى تردِّيـن = وأدعي لك التوفيق حتى بصلاتـي تم نشر هذا النص بمجلة أنهار الالكترونية التفاصيل على هذا الرابط http://www.anhaar.com/arabic/index.p...link/6954.html |
سحايب ، أهلًا بك وهذا النص الذي كان حديث النفس للنفس لقد كانت الحكمة حاضرة ، والشعر كذلك .. شكرًا كثيرًا .. |
مرحبًا بكِ يا سحائبَ الخير إيمانيةٌ تفيضُ عذوبةً و نقاء لروحكِ روحٌ و ريحان / إيمَان |
صح نبضكم يا أخية وقفة رائعة مع النفس
|
سحايب هطول أخذ طابع الأوامر أدام الله رذاذ حرفك يا سحايب |
سحايب
إنسكاب جميل .. يروي الذائقه شكراً لكِ هذا الجمال |
الساعة الآن 05:23 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها