|
البراءه الطفولــــيهــ
مساء الخير جميعاً اتمنى ان تنال هالمتواضعه على رضاكم واستحسانكم البارحه جــــــونا ماطر ---- ومن "حولنا" النار مضويه باطراف "تنهات" خيمنا ---------شلة شـــــــباب ٍ عزوبيه الكل يضحك و"متهني" -------- ماللحزن عنــــدهم "نيه" الا انا اكســـــر الخاطر ----------- من سبّــتك يالشــقاويه يابنــــــت ياللي تركتيني -------- ماتنــــــفعك هالمــــزاجيه المشكله عارف ٍ طبعك -------- لاتـــــدعين المثــــــــاليه لاكن عزاي الوحـيد اني ------ اغليك رغــــم " الانــــانيه" لاجيت ابنساك اتــــــذكر ------- ذيك البـــــــراءه الطفوليه ايام مرت وكـــنا صغار -------- فينا الطـــــــبايع سماويه نضحك بلا قيد ونغني -------- احلى الاغـــاني الشماليه ماكنا نشعر بحجم الذنب! ------- وحنا نردد " يامــــــرعيه" تتذكري زين ...ولازيد ! -------- تتذكري زين ... يابــــنيه؟ بالعيد نفرح عشان نقول --------- عطـــــونا ياناس عيديه الله واكبر ياذاك الوقت ---------- ياحبنا للفضــــــــــــــوليه ياما وياما تهــــاوشنا ----------- ياانتي بالحيل "شــريه" وياما لعبنا بحـــارتنا ------- على "السيــاكل" ورجــــليه" تتذكري زين ...ولازيد! -------- تتذكري زين .... يابنــــــيه؟ بالطين ياما بنينا بيوت -------- ونمـــــــرها كل عصــــــــريه وبالليل نسهر "انا" و"ياك" -------- على قصص هالحــــــــــراميه تتذكري زين ... ولازيد! -----تتذكـــــــري زين.... يابـــــــــنيه؟ البارحه جــــــونا ماطر ---ومن "حولنا" النــــــــــار مضويه باطراف "تنهات" خيمنا ------شلة شــــــــــــــــــباب ٍ عزوبيه الكل يضحك و"متهني" -----ماللحـــــــــــزن عنــــدهم "نيه" الا انا اكســـــر الخاطر -------من سبّــــــــــــــــتك يالشــقاويه!!! دمتم بود معلومات إضافية تمت الإضافة بواسطة: يعقوب الشمري - بتاريخ: 04-01-2007 آخر تعديل بواسطة: يعقوب الشمري - بتاريخ: 22-01-2007 |
الصديق العزيز / يعقوب شاعري العذب الجميل تعرف رأيي بـ هذا النص فقد سمعته منك... يكفي أن به ريحة الشمال و..براءة الأطفال... دمت ودام أبداعك صادق ودي عبد العزيز الجراح |
. . . حروف جميلة بـ جمال الإحساس فيها يعقوب،، ننشدك دوام وصلك سيدي الامجاد |
حين تفوح رائحة البراءة والطفولة..
والذكرى المروية بصدق الإحساس يكون حينها الشعر مختلف ومختلف جداً... يعقوب.. ما أجمل ما قراته هنا.. تحياتي |
الشمري يعقوب ..
انت خلقت هنا روح جديدة في النص ولا بد من الاعتراف بها .. دم بهذا الجمال دائما وابدا .. محبتي سالم |
اعزائي
عبدالعزيز الجراح امجاد يمنى سالم سالم السيفي صحت ابدنتكم اجمعين احترامي لكم |
ايام مرت وكـــنا صغار
-------- فينا الطـــــــبايع سماويه نضحك بلا قيد ونغني -------- احلى الاغـــاني الشماليه اخوي وصديقي الغالي يعقوب الله عليك رجعتنا للايام الغاليه علينا ايام الطفوله صح لسااانك ملايين تحياتي وتقديري |
صح بدنك اخوي يحيى
وابرك الساعات اللي التقيتك فيها هنا دمت بود |
الله واكبر ياذاك الوقت ---------- ياحبنا للفضــــــــــــــوليه / \ / وبراءة الطفولة و لحنا يعلو بنا و نكبر به. هديلا ذلك الشعر يصدح في سماء حلم. دمتــ عذبا |
تسلمين اختي ساره
سررت بمرورك دمتي بخير |
| الساعة الآن 09:57 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها