تنهاد في صدر الورق " نور" ما تدرين!= هذا الدفتر البالي حطبتيه من بالي
على ماقف اختوم الجوازات من سنتين = رميتي بدلوك في رثا الجمّ من عالي
تفزز ركاده وإحتفى فيك هالمسكين = نثل منبعه وأرها لك الجمّ من تالي
وهو الظامي المورد وحلمه سقى غالين =غدت به حلامه للغلا والغلا سالي
له أيام ؛ مدري شهور ؛ مدري أونها سنين = يزاود عليك الوقت ؛ والحظ ؛ ويغالي
يزاود ؛ بعيدين النسب ؛ زاود الأدنين = ولا يلمسه شكًّ على إنّه لك الغالي
ولا حسّ نفسه لين صار الغلا سكين = وصار الوفا منفاه وأصبح به الجالي
بعد ماعرفتي حاجته لك تجي هالحين = تقولين له ما أقوى على لوم عذالي
يا ليتك بدايتها حكيتي ولا بعدين =عليك الستر روّح وانا أروح في فالي
بعد ما متلا قلبٍ بحبٍ ؛ وفاضت عين = يجد نفسه اللي تاه في مهمه خالي!
ياليتك رحلتي قبل لا تجين له تحكين = عسى انه يجد لك عذر مالموقف الحالي
عسى انه يعيش الصبر ويعايش التخمين = يحلّي مرار الصبر من ظنّه الحالي

لكل العابرين
flwr3

المشاركة الأصلية كتبت بواسطة إيمان بنت عبد الله (المشاركة 51318) وارفةٌ يا محمد ... لا عدمناك ! / إيمَان