_ سـوالـيـف العـذارى _
مدخل القصيدة/ . كانت لعبة الصراحة ذلك اليوم منهكة ومحرجة في نفس الوقت مع صديقاتي المقربات سؤال وجواب أجملتها في قصيدتي المتواضعة بكل مصداقية إليكم الحوار الذي جرى بيننا وجوابي عليهن.. .
ألا يا ديرتي وأعشق هواها = عسى وبل المزن بك هاطلاتي.. سلام الله على نجد و ثراها = على اللي مالنا عنها غناتي.. بغني لك سواليف العذارى = حكايات تغلفها حياتي.. يقولن ما طرق للحب قلبك = عيونك بالمحبة زاخراتي.. وحنا نحفظ السر ونصونه = وإذا بحنا عسانا غادياتي.. أكيد الحب له قصة طويلة = تشوقنا نعرف الخافياتي.. وقلت إني صويبه من بعدهم = صواب اللي قريب من المماتي.. أخاف إن بحت بإسمه ما يعوّد = أعرف عيونكن سمّ ثباتي.. وقالن وشهي أوصافه ترانا = تعجبنا وصرنا حايراتي.. ورديت إلهن أبيات جزيلة = لحون من سبايبها بكاتي.. يفز القلب لا ناديت بإسمه = كريم ما يعرف القاصراتي.. سموح الوجه وأفعاله تسجل = دروس للسنين المقبلاتي.. عزيز ولا يعرف ألا المعزة = عفيف ما توانا فالصلاتي.. وفارس يا بنات إن قلت فارس = تراها شامله كل الصفاتي.. حشا لله ما شفت بزمانه = معاريفه بقلبي خالداتي.. وتراني هيه ما علمت بإسمه = أخافه من نفوس الحاسداتي.. سقا الله يوم ذكرتن قليبي = وهيضت البيوت البالياتي.. أنا وإن قلت بصبر في فراقه = تراني صرت مثل الكاذباتي.. أحبه حب ما حبته ليلى = وعسى من لامني حاله شتاتي.. وصاحن يا خلود الله وأكبر = من أوصافه ترانا ساهراتي.. وقلت إن كان ما تدرن منهو = تراكن "بالغباء" متساوياتي.. [ أنا حبيت أبويه يا مغشّم = عيوني لأجل أبويه عاشقاتي ] أبويه وإن طرى للحب سيرة = أحبه كثر نفسي يا خواتي.. وأنا يا نجد لاذعذع هواكِ = هدت كل الرياح العاتياتي.. خلود العطاوي |
خلود ، أهلًًا بك .. وهذا الحضور، النور نص نبطي مليء بالشعر والشعر الجزيل .. سموح الوجه وأفعاله تسجـل . . . . . دروس للسنيـن المقبلاتـي عزيز ولا يعـرف ألا المعـزة . . . . . عفيف ما توانـا فالصلاتـي وفارس يا بنات إن قلت فارس . . . . . تراها شامله كـل الصفاتـي "ونعم في والدك" حفظ الله لكم، وأطال في عمره .. الكتابة في أحد الوالدين تسمو بالشعر شكرًا للشعر والشاعرة .. تحايا الجرّاح |
|
خلود
دمتِ نضره |
خلود..
متميزة في الشعر الفصيح و الشعبي حفظ الله الفارس " والدك" شعرررر |
عزيز ولا يعرف ألا المعزة = عفيف ما توانا فالصلاتي..
// أنا وإن قلت بصبر في فراقه = تراني صرت مثل الكاذباتي.. أحبه حب ما حبته ليلى = وعسى من لامني حاله شتاتي.. وصاحن يا خلود الله وأكبر = من أوصافه ترانا ساهراتي.. وقلت إن كان ما تدرن منهو = تراكن "بالغباء" متساوياتي.. [ أنا حبيت أبويه يا مغشّم = عيوني لأجل أبويه عاشقاتي ] أبويه وإن طرى للحب سيرة = أحبه كثر نفسي يا خواتي.. / خلود العطاوي يعزك الله علي هكذا نص فيه من الجمال الكثير وماأحلي سواليف العذراي عندما يكون فحواها الأب رمر العطف والحنان ربي يخليكم لبعض ويخليلك الوالد ياااارب تحاياي وتقديري |
شــــاعرة نجـــد خلــود العطـــاوي لـــم أمــل قراءة هذه الحبلى بالشــعر لك التوفــــيق بـدر عبدالله الســــاري |
يا شَاعِرة ... أتعبتِ القَوافي ... خُلُود ... نبضُكِ رصين .. / إيمَان |
بنت العطااااوي
الله يمسيييك بالخير والسعااده ولله درك على هلابدااااااااااااااااااااااع المتجدد شااعره رااااااائعه والله يا خلود صح قلبك |
سوالف العذارى ..
مزح وجد ولعب وطيش و و و وانتي هنا صورتيها بطريقه رااائعه واسلوب كثير مايحدث .. بالذات بهذه الإعترافات .. رائعه وأكثر ياخلود .. كثير اعجبتني فكرة النص . صح قلبك :flower2: |
الساعة الآن 06:35 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها