|
إرهاب وشريعة غاب ( عامِّيات )
. . . عندما أكتُبُكِ .. فجنوني بِك ..لا تحكمهُ حدود .. اللغه .. ولا تمنعهُ المسافات .... والفواصل ..! ! |
.
. . سحابة غيثي إحروفي .. تكحم الكون .. بليّا حد .. عكس الريح .. نداها يصافح ورود الخد .. عكس الشمس .. تشرق حيث كل الكون .. عقد عزم الرحيل اغراب .. بليّا اسباب .. تغنّيلك ... وتتغنّا .. ونتشد للفرح بسمه .. وتصخيلك .. خيول الفكر .. جموح حروفها .. نشوه .. وتنشر في تفاصيلك .. على طول المدى .. عُنصر .. بمعنى الحُب ..رعّشة قلب .. وزلزال الوله .......... إرهاااب .. بليا اسباااب ... أحبك موووت ... لو ترضى ... ولو تزعل ... ولو حتى تجافيني .. أعيشك حلم .. وانسف ما بقى منّك / منّي ... شريعة غااب ..! تعال نذوب .. في همسة حنان .. بزيّها الرسّمي .. تعال نعيش واقعها .. صعاليك الحروف .. واطعمك من قِسمي ..! لا ترتااب .. ترى الإرهاب في عرفي .. يعانق ودّك الزّاهي .. ويرقى بك .. ويطرق للسما ابواب ...! . |
للبحر موج يتتابع .. كل موجه ..تقترب .. تحمل سؤال .. الأوله .. مكتوب .. من عسف قلبك وعقلك ..؟ قلت هي ..! الثانيه .. جتني تبختر .. بكل فتنه ناشدتني .. وهمست لي .. عسى ماشرّ .. وش الطاري .. اشوفك ساهرٍ .. ساري .. تبي تسأل وش اخباري ..؟؟ جاوبني انت اول .. وقبل تسأل .. قلت : هي ..! وجتني موجةٍ عذرا .. تذرّ الملح فوق الجرح .. تقول : اقرا قلت : اقرا ..؟؟ قالت : إيه اقرا وش بقى فيني .. تبي الفنجال .... وإلا الكف ..!؟ قلت : أسف .. ذقت الملح يكفيني .. سرابي في شراييني .. يرفع ضغط ... يخفّظ ضغط ... ومرّه يستوي للخط .. يبي يهرب .. وما يقدر .. اقول اصبر .. ترى بكيفي .. مثل ما جيتي بكيفك .. وصارت هي ...! |
ثورة البركان في نفسي لها تسعين لون .. كل لونٍ له وطن كل لونٍ له ملا له حواشي .. له شعوب إنس .. وايضا ... من عفاريت... وجنون ..! وكلٍ على دينه يمون .. المجوسي ساجد لضو الجمر واحلا ما فيه المكر ... وعابد الأوثان .. في سما الحرف احتضر .. والسبب .. همسة نظر .. واما بوذا وما حوى .. ماشي على درب الغوى .. آخذ إلاهه هواه .. يوم صايم .. يوم نايم .. يوم بأعلى مستوى .. بالعقيده جيتهم .. دعيتهم .. ما منهم اجاب .. بكلمة عتاب ... قلت : مالي ودينكم .. لكم دين ... وليّ دين واسأل الله إن يعين .....! |
غريبه ..!! تنتظر رجعة غريب أمنيه ..!! يمكن تصيب يمكن تخيب يمكن على ضو القمر ترسم ملامح وجنته ترسم على خد السحاب صوره ولا كل الصور بيتٍ قديم وجدار طين وفرشة حصير عيشه بدائيه ...جميله أيام مرت من عمر في وصفها لمحة بصر كلّها مرّت بلحظة إنتظاار ياهل ترى يمكن يعود..؟ ياهل ترى يذكر وعوده والعهود..؟؟ هو قالها قبل السفر ..!! يامنيت الروح ....يا شذىعطر المطر . إنطريني ..إلي ازهرت كل الورود وغرّد النيروز ..في فصل الربيع وعدّا ربيع ...وثاني ربيع ويا خوفتي الفرحه تضيع وانا أنتظر ...........وانا أنتظر....!!! |
من بادي الوقت أطارد ذاهب أحلامي=وارسم صورها بصافي الدمع وأمحيها أشكي هموم(ن)تغلغل جوف العظامي=للبادي اللي خلق نفسي وباريها أمشي مع الناس دايم شامخ(ن)زامي=واكسّر العبرات في نفسي واداريها من شافني قال:هني العزلك دامي=والبسمة اللي محيّاك إشتهر فيها ما يدري إني حقيقة هم متسامي=ونار جاشي مبينةٍ مواريها أجامل الناس وأساير غبة أوهامي=وأسلى كما طفل(ن)مع الدميه يناغيها |
كل النجوم سهرت... كل النجوم اللي سقطت ... وكل النجوم اللي بسماك تلألأت... تشهد على شوقي وحنيني والألم... بريقها يحمل سؤال..... ! ليه المنى صعب المنال ....؟ وبلحظةٍ من غفلتك .... سمعت أنين لهمستك... تلعثمت ....وصمتت... وأخفت معالم حيرتي عن ناظرك ....؟ قالت عجب ...والله عجب ...! جيت أرتجي العون من همس النسايم والعبير... لقيتها تبكي وتخفي ...دمعتين ... دمعة الم ...لجروح غايره وسط الحشى سره دفين ...؟ ودمعه على الوجنه تسييييل .. يصعب عليه وصفها في كل حين .... عادت علي نجوم ليلي ... وضوها ناقص شعاع.... وزادت على حزني أسى... وقلت ذا حظي ومال .... آآآآآآآآآه ..... من حلمي أنا ... اللي غدا كله سراب... أتجمل وأبتسم وأضحك أنا... وأتجرع علقم ومر العذاب..... ليه يادنيا العنى ...ليه يادنيا السراب ... كل ما قلت هانت ...أدبرت مثل السحاااب |
أبكي على وقتٍ مضى لي به مساحات وتزيد فيه الأمل شمعة رِضا كالدم يسري بالوريد واليوم ضاق بنا الفضا حتى الأمل أصبح عنيد إن صحى لحظه غفى والا انتحى عني بعيد لا برد حتى لا دفى لا صيف يظمينا ويحيد هذا اكتفى .. وهذا جفا وهذاك أبرد من جليد واللي تمسك بالوفا منبوذ في عالم وحيد الله على وقتٍ مضى فيه الأمل شمعه تقيد |
.
. . في أول أيّاميمي بكيت وفي آخر أحلامي بكيت قست المسافه بينهم كانت أطول مامشيت خطوات من عمر الألم فيها توارى كل حلم وخطّت معاني من عدم فيها الحبر دمعة ندم منها القلم يفرز حِمم والحال يبراها السقم وأنا على الموعد لفيت شفت الشجر لونه تغير وذبلت كل الورود مدري أسى .. وإلا جحود |
.
. . يا رسول الحُب بلغ لي سلام واشفعه بأرقى تباريح الغرام صافح المجمول وقبل وجنته قلّه اني من غيابه في هيااام ضعت انا وحرفي وضيعنا الطريق في متاهات الوله قالوا عليق لا اني باللي عاشق ولاني عشيق ولاني بالمجنون ولا العقل استقام بلغه من بعد آهك ما غفيت عن لذيذ النوم قفيت وجغيت مدري بلان الله أوإنك لي بليت والوكاد النور بعيوني ظلام يا رسول الحب عجّل بالمسير قبل انا والعقل من كلّي يطير دقة اجراس الخطر جانا نذير الهوى ما بالهوى هدنه وسلام |
| الساعة الآن 08:18 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها