المسافه بين حلمي والمنال = مالها مقياس غير المستحيل
اتوهم و أصعد اجبال الخيال=وألتفت كني عن الواقع دخيل
بين أكون ./ وبين لَكن .. ضرف حال=مثل صاحب حق ماعنده دليل
الأمل.. يصبح ألم.. دون الوصال= والصبر لاشاب عزمه يستقيل
المتاعب كثر حبات الرمال = والعيون السحب والخد المسيل
والشّلل لاصاب مخ الإحتمال= يتعطل مركز الصبر الجميل
وإن برق غيم السهر والحزن سال =تنّبت الآهات بفياض العليل
والعقل لاَهبت رياح الهبال = ما تخلي به من أثماره حصيل
ولويحقق وصل حلمي رأس مال =وَالدي في كل مااحتاجه كفيل
لكن حلمي صار تحقيقه مُحال= والعزاء في خافقي وقته طويل.