ياحمامه بشريني وعانقيني بالسلام=اسمعيني من هديلك وامتعيني بالنظر
حرة بارض الطهاره ما على هذا كلام=ارتعي في خير ربك القطي خير الشجر
حرة روحي طليقه في نهارك والظلام=بارض طيبه يا حبيبه وبرغم كثر البشر
ياحمامه رغبيهم بالمحبه والوئام=ياعرب ..يا مسلمين.. احذروا سهم الغدر
ياحمامه ذكّريهم وحدةٍ فيها سلام=إيد وحده وقلب واحد ما يفرقنا عذر
ياحمامه حذريهم حذريهم الانقسام=جمعوا كل الأيادي واحذروا شر الخطر
ذكريهم بالصلاه والتكاتف بالتمام=من هديلك حسسيهم من غدا و من حضر
ياحمامه سايريهم حجةٍ في كل عام=وبلغي صادق سلامي للنبي خير البشر
يا حمامه بلغيهم بشريهم بالوئام =وكل من حج وتهافت شفتينه بالذكر
قابليهم ذكريهم تلبيه. البيت الحرام=سايريهم في طواف ,وودعيهم في السفر