ياصاحبي كل ّ الدروب تشابه =بس ّ وين ..؟ علمني بحبك نحابي
اترك عذاب الماء ورشفة شرابه=إسق العروق الميته .. في شبابي ..!
أتبعك في رمضاي وارجي سحابه=تبّل أرياق .. الندم .. والعذابي
العبد ... ما يشكي هزيمة مصابه=انت الذي تعرف بسبة ّ مصابي
ياصاحبي والحزن لا حد ّ .. نابه=واغرس رهيفه بالضلوع النوابي
الحمل لامن زاد .. ظهري شقابه=وبعد الأمل عانق رقاب .. السرابي
الشوق ابشر .. به .. وقلبي .. عوى به=والهم ّ من بعدك براسي .. عوى بي
مدري على حبك يا كون .. الغرابه=مدري نهاية حب ّ اوّ ابتدابي
مدري ياصعب ّ الاسئله والاجابه=مير المهم .. قاسي .. عصبك ّ .. إلتوى بي
كنتّ استخف الشوق باول شبابه=واليوم ولعني وبالقلب ,, شابي
شاعرك .. مهجر ّ .. ما هجرك اغترابه =أبكي ظلام العشق وفكري .. سما .. بي
أخذ الشعر .. ! غيمه .. وآهات .. غابه =عيشه .. وجرحك مع جروحي .. تطابي
بكّيت من عشقك حنين الربابه=والبدر من جفوك .. من .. الليل .. غابي..!
وبكّيت نجم ٍ هل ّ دمع ورقابه=واشتالني من ظلم أرضي .. ورقابي