انفلونزا الخنازير: صار اهتمام الناس كيف الوقيه؟!
السلام عليكم ورحمة الله وبركاته..
واسعد الله أوقاتكم بكل خير.. هذي ابيات كتبتها تعبيراً عن مشاعري تجاه الوضع الراهن الذي نواجهه. نسأل الله ان يحفظ الجميع من كل مكروه..وأن يحمي البلاد والعباد انه القادر على ذلك. واتمنى ان ترقى للجمال ذائقتكم الشعرية...
يالله يا منش المزون النديّه=يا عالمٍ سر الامور الخفايا ياعالمٍ بالبينة والخفيّه= ياساترٍ كل النفوس العرايا أبااطلبك لنك تجيب الدعيّه=للي طلبك ومخلصٍ بالدعايا تحمي بلاد المسلمين الابيّه= من الوبا اللي منتشربه وفايا جرثومةٍ فيها البلا والاذيّه= وان ما فزعت تصيب كل البرايا كلٍ يخطط كيف يحمي ذويّه؟!!= وماعاد تمنع منه كثر الحمايا صار اهتمام الناس كيف الوقيّه؟!!= وقايتك يارب خير الوقايا أطفالنا بحمايتك والبريّه= انت الكريم اللي تحفظ الرعايا أنت الذي تشفي وتمنع مجيّه=ماهو كلام مكثرين الحكايا يالمرشدة كثرت علومك عليّه=عجزت لا ستوعب كثير الوصايا الشرح طال وضايعٍ به جديّه= من يوم صرنا مرتدين الكمايا الجهد مبذولٍ ونفسي وفيّه=وكلي أمل بالله جزل العطايا خلاص ما نقبل حلولٍ رديّه= نبا حلول اللي لعطفه رجايا كثر الحذر مايوم عدا المنيّه=خاب الحذر لاجت سيوف المنايا بارادة المعبود تمش المطيّه=وأليا اوقفت ماينفعنّ الدوايا وصلوا على اللي ما مشى بالخطيّه= نبينا اللي كاملٍ بالمزايا وسلامتكم.. |
اقتباس:
اللهُّم أمين : العازميّه سحايب كفانا الله وإياك شر ذاك الوباء بورك النبض سلمتِ |
نسأل الله أن يقي جميع المسلمين والمسلمات من هذا الوباء. اللهم آمين .. / / سحايب، صباحك ماطر ، نص جميل الفكرة والمعنى .. شكرًا لـ سحابة الشعر هذه .. تحاياي |
كثر الحذر مايوم عدا المنيّه=خاب الحذر لاجت سيوف المنايا بارادة المعبود تمش المطيّه=وأليا اوقفت ماينفعنّ الدوايا صدقتِ .. و نعم بالله سبحانه سحايب / صحّ لسانكِ .. حفظنا الله ووقانا والمسلمين :rose: |
سلم قلبك وفكرك يا غاليه وسلم الله المسلمين من كل آذى طبتي للشعر يا نقيه |
فكرة النص جميلة كصاحبتها سحايب :)
نسأل رب العزة أن يحفظ الجميع من شر هذا الوباء مودتي و :flower2: |
اللهم عافِ و شافِ وسلم..
سحايب: وما زال مزنك هتانا.. فشكرا لديمة حضورك:) |
اقتباس:
الاخت الغالية /ندى عبدالعزيز أهلا بهذا الحضور المشرف لمتصفحتي المتواضعة اشكرك عزيزتي على مرورك .. وجزاك الله خير الجزاء تقديري لشخصك الرئع ودمت بكل ود.. |
أطفالنـا بحمايتـك والبـريّـه
انت الكريم اللي تحفـظ الرعايـا أنت الذي تشفـي وتمنـع مجيّـه ماهو كـلام مكثريـن الحكايـا ونعم بالله ... الشاعره سحايب العازمي قصيده تحكي الواقع نسأل الله ان ينجينا واياكم من هذا المرض سلمتي وصح لسانك ...دمتي ماطره ياسحايب... تحيتي |
الساعة الآن 02:13 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها