أحسنت فيك الظـن لا تخذلينـي=واشوف بعدك صدق الارواح غربه
دامك عميقة في خفوقـي وعينـي=ودّي أشوفك طول الأيـام ذربـه
لن ان فقدتـي يـوم دربٍ يجينـي=صعبه خفوقي يوم تلقيـن دربـه
وكانك رحلتي من جنوني خذينـي=مقدر أعيشك باقي العمـر كُربـه
أجيك أدورني وإلى قلت : وينـي؟!=كنّي بصدري انطعن ألـف حربـه
واليا سألتينـي .. حبيبـي تبينـي؟=أقول قلبي : من سواك يحضر به؟!
والله بصدري من زمن تسكنينـي=وطيفك توّسد هدب عيني وسهر به
الروح تحلم تقضب ايـدك يدينـي=والقلب لجلك طيّر اشواق سربـه
في غيبتك يامـا نثرتـه حنينـي=وشوقي كتبته حرف محدٍ شعربـه
لنّي حفظتـه بيـن قلبـي وبينـي=ولنّي أعيش العمر "شاعـر بـ غربـه"
غبتي و غبتـي .. وانكتـب تلتقينـي=أنا قدرك اللي حياتـك تمـر بـه
يعني بعـد هاليـوم لا تقطعينـي=يا تعسـه اللي لقى حب وكفر به

المشاركة الأصلية كتبت بواسطة عبد العزيز الجرّاح (المشاركة 33414) والله بصدري .. من زمن .. تسكنينـي=وطيفك توّسد .. هدب عيني .. وسهر به الروح تحلم .. تقضب ايـدك .. يدينـي=والقلب لجلك .. طيّر أشواق .. سربـه في غيبتك يامـا .. نثرتـه حنينـي=وشوقي كتبته حرف .. محدٍ شعربـه لنّي حفظتـه .. بيـن قلبـي .. وبينـي=ولنّي .. أعيش العمر .. شاعـر بـ "غربـه" غبتي وغبتـي .. وانكتـب تلتقينـي=أنا قدرك اللي .. حياتـك تمـر بـه يعني بعـد هاليـوم .. لا تقطعينـي=يا تعسـه اللي .. لقى حب .. وكفر به

المشاركة الأصلية كتبت بواسطة مياسم (المشاركة 33416) عبد العزيز الجرَّاح : دائماً يأتي شِعرُكَ على المعاني الغائبَة ، المعاني التي نُحسُّ بِها فجأةً ، أوانَ الإلهامِ وَ التجلّي ، كُن مُورقاً بالشِّعرِ . flower:

المشاركة الأصلية كتبت بواسطة فتحية الشبلي (المشاركة 33425) ( صح لسانك ياسيد المطر ) عبد العزيز الجراح سعداء جدا بإن تكون إملاءات المطر أول مهد لهذا الوليد الذي أبصر النور هنا لأول مرة نص يرقي الي ذائقة كل متذوق للشعر وكل عاشق متيم لأنه ينبض بالحب ولاشئ غير الحب دمت قلما ماطرا محبا تحاياي وتقديري