بعيداً
 

مباركٌ عليكم الشهر آل المطر


flwr2

يا عارف الدمع , لو ما شفته بـ وفره
.................. بين الحنايا , ولو ما جادت أعياني
..
قلّي شسوي ..! إذا زارتني الصفره
.................. و فرشت للي بقا بي ( سفرة أحزاني )
..
و طرت عليّ من تجمّعنا على سفره
.................. و تسأل قبل يذن المذن عن اخواني


flwr2

في عتمة الليل اقرا لك تفاصيلي
.............لو كان مابك سوى هالطيف يسمعني
..
من كان يتعب , على فهمي و تأصيلي
............. و من حاول أنّه يضيّعك و يضيّعني
..
و من غاضه الخير في كثرة محاصيلي
............. و من كان قبل اجني ارباحي يشجعني
..
و في عتمة الليل , اقرا لك تفاصيلي
.............. ودي أكمل , و صبح الخير قاطعني :)

ياليتني معهم دفنتك و صليت
........... على الأقل ...! مدري و لكن حسافه

ضامي و عديت بير القلب بـ اقدامي
.. و الدرب اوحش من انه تكشفه شمعه
متمسكٍ في كتاب اللـــه , و اسلامي
.......... لو انّي مقدر اصلي فيك يالجمعه
..
أبكي بلا دمع , و ايامي هي ايامي
..........وأحيان من غير لا ابكي تنتثر دمعه
..

الله واكبر , و المسافه بـ الايام
.......... ما كل حي ٍ لا كتبني قريته
..
استحلف الضيقه عن ايدين الاحلام
.......... واستكمل اللي في غيابي بنيته
..
لا صار دربي تحت تشريع الاسلام
.......... يا عاذلي , وان قاله الله مشيته
..
والا خفوقي صار مجموعة ايتام
.......... مافيه رجل ٍ حبّني ما بكيته
..
يشهد علي وجهي وشيٍ بالابهام
..........و يشهد علي شعرٍ هنيا نسيته
..

واا حلمي اللي على ضيقي موازيني
.............و وااا دربي اللي من الطنخه تحفّيته
..
من قبل عمي على جدي يعزيني
.............وانا منامي بليا شي , جافيته
..
يا جعلها يا إلهي في موازيني
.............و ترحم عزيز ٍ على قلبي توفيته