إملاءات المطر - & حديث الفراق &


	قصيده بعد جفاء وعسى أن تشفع .. إن بكيت أبكي عشانك ليا منك بكيت = وإن رضيت أرضى لعينك ونفسي فانيه وإن زعلت الله يرحمك يادار الكويت = مالي قعده في ترابك لو إنه ثانيه تشتعل جمرة غلاكم واجي لك كومبليت = يافديتك من رموشك ليدك الحانيه ياسحابة صيف عدّت ولامنها رويت = استبيحي من ضلوعي سجن يا الجانيه ابتلاني ربي ابكم وفيكم ابتليت = والله اللي يبتلي والله اللي اهدانيه آمني بي اكفري بي وهدّي مابنيت = فدوتك ياتوتةٍ فوق غصني دانيه امسحي كل القصائد وعدّي بيت بيت = يابعد كل القصائد ويا ديوانيه خذ ضميري لك عمارة وقلبي استريت = الحقيني قبل يقضي علي أوانيه اسعد الله كل وقتك صباحك وإن مسيت= واسعد الله حظي اللي جلب واعطانيه درةٍ ماهي من البلور ولا ّ المانجنيت = درةٍ من قاع بحرٍ غزير أغوانيه لو بنات آدم سلع والله إني ما اشتريت = كيف ابشري والقمر ردني واعمانيه انعميت وليتني يوم شفته ما انعميت = لين تطبع صورته في محيط أعيانيه قالت اسمع كان ودك تعرف الإيتيكيت = قلت شوفي طول عمري ولد بدوانيه المبيت الساعه تسعه ولافات المبيت = ويل حالي من ربوعي ومن شيـبانيه قالت اسمع سيدي اصغ لي بليز ويت = ليه انتم يالبدو دائم افعجلانيه قلت شوفي ربك اللي خلق والله مميت = قد فطر فينا العجل بس انا وش شانيه قالت اركد كل ما ابدأ سؤالي انغليت = قلت يابنت الزمن يحترق واغلانيه قلت تبغين المحاسن وقالت ليت ليت = قلت والله هي كثيره وذي ثمانيه عز جار وكبر دار وفزعةٍ مع ذيع صيت = وهدّ طير ووجه خير وللكرا عوانيه وقبل كل السبعه اللي قلتها واللي حكيت = طاعة المولى إلهي سر مع علانيه قالت آمنت بالهي خالقي بس لو بغيت = حضرتك عندي سؤالٍ يستثير أشجانيه قلت ماذا قالت إني لا رأيتك لي لفيت = قمت اخبص في كلامي ولا ادري اش جانيه قلت والله دائم أضوي ولا منّي ضويت = القى فيك من الغرابه وانا ما ادرانيه الوكيده دائم ابكي ليا منك بكيت = وإن رضيت ارضى لعينك ونفسي فانيه وإن زعلت الله يرحمك يادار الكويت = مالي قعده في ترابك لو إنه ثانيه شعر / جميل العتيبي .. تحياتي