غوايش .
تجديد عهد بقلوبكم و بهذا الوطن .. لم أجد إلا قصيدة أقدمها عذراً لغياب طويل .. فطوبى لأرواحكم ..
هذا الجميل اللي سبق قبله جميل =مثل المطر لا جاك من عقبه مطر يـ ام الوسامه و الغوايش و الجديل = يـ ام المحاني النور والقلب الطهر يــ ام الندى والقلب الابيض و النبيل = يـ ام العيون اللي تغشاها حور انتي الكتابه فيك شبه المستحيل = ياحيرة الطواش في عرض البحر استوعبك فكره من الوزن الثقيل =واتخيلك مثل الأماني و النهر يا شامخه مثل المكارم والصهيل= ياشاهقه مثل النداوي لا شهر انتي الخليله لاتناجوا بالخليل= وانتي الخزاما لا تباهوا بالزهر ياتي قوامك بين ريان ونحيل = اقفايتك فتنه ومقبالك خطر لامن وقفتي قلت يابخت النخيل =واليا جلستي قلت من وين الصبر امن الرزانه مايضيع ابه الدليل =وامن اللطافه مايسمى بالعطر لا هب ريح العود بالشعر الطويل= تناقلت لـ اشواق في صدري خبر ان الكلام الليله بوصفك بخيل= وان الشعر عندك يدور له عذر مايسعف المشتاق طاروقٍ جزيل= لو لوح المسباح في ليلة سهر لـ انك جميله كل مافيها جميل = مثل المطر لاصب من عقبه مطر |
حسين ، أهلًا بك وهذا الحضور الجميل أيها النبيل قصيدة متفردة والله، وقد أعادتني للمطر والشعر. شكرًا بحجم النقاء الذي يستوطن قلبك .. تحاياي |
صح لسانك قصيدة رائعة كلها مطر وزهر
ملأت أرجاء المكان صح بوحك |
الغالي عبدالعزيز
حضورك كما هو بطعم الاخوة و نكهة النبل الغزيرة فيك شاكر هذا النور |
برهان
صح كلك والجمال هو حضورك شكراً لك |
الساعة الآن 11:19 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها