صــمـت الـشـبـابيك مـايـنـهي حـكـايـا الــغـرام
ــــــــــــــ فـي صمْتها , ألتقي بـ حْباب قلبي الحزين

مـن عـشْقهم, طـابِ لـعْيوني عـليها الـمقام
ــــــــــــــ وأشْـعلت مـن جـذوة , الذّكرى ليالي الحنين

طــيّـرت لآخـــر سـمـا حـلـمي هـديـل وحـمـام
ــــــــــــــ أسـابـق الـوقـت , تـسْـبقني طـعـون الـسنين

مغرَم حضَنت القمر ,, حالم لمست الغمام
ــــــــــــــ أرقــى عـبـث , وأدْريّ الأحــلام تـربـه وطـيـن

أضـحك , وللدّمع في عيني ضجيج وزحام
ــــــــــــــ مـاغـيّرت ضـحكةْ,, الـمحزون طـعم الأنـين

أسْــود مــن الـلـيل فـي عـيني غـياب الـكلام
ــــــــــــــ لاصـرْت مـابين أوراقي وصـمتي سـجين

وأقـسى مـن الـصّمت والـوحده قـيود الـظلام
ــــــــــــــ والـشّـارع الـخـوف حـاصرني شـمال ويـمين

تـركَـت خـلفي عـيون الـنّاس تـرمي الـسّهام
ــــــــــــــ والـنّاس فـي هـتْك أستار الخفا , مخْلصين

مـات أجمل الصّدق في غربةْ عيون الانام
ــــــــــــــ مـاغـيِـر ســود الـنّـوايا فــي الـمـحاجر يـبـين

فـضّـلـت مـوتـي وانــا غـايـب عـزيـز الـمـقام
ــــــــــــــ واخْــتـرت درب الـحـيـاه إلـلـي مـعـا الـغـايبين

ســلّـمـت شـبّـاكـهـم عــيـنـي وعــفْـت الـمـنـام
ــــــــــــــ واهْـديـت سـمْع الـسّهر مـن خاطري كـلمتين

مـا كـلّ مـن مـات بـاسباب الامـور الجسام
ــــــــــــــ يــــودِي بـعـمـر الـفـتـى مـــرّات شـــيٍ مـهـيـن