يا صبحك اللي ابتدي به جديدي = لاسترسلت أنفاس صدري تعابير
يورق على أغصان صبحك قصيدي = لين ان من صبحك تغار العصافير

نامي على إحساس .. قلبٍ يحبّك = واصحي على إحساس .. عاشق جنونك
مدري علام الليل .. دايم يسبّك؟! = يمكن عشان الصبح .. نام بعيونك.!

كــل يــوم راسلـنـي .. عـلــى أوّل الـصـبـح=من قال فيها ازعاج.؟! وصلك ضروري
والله لـــو بـدلــت .. حــرفــك مــــع الــرمــح=لااقــول رمـحـك .. مــن دواعــي ســروري

جيت ارسم البسمة على شفتينك = وامسح دموعٍ من عيونك تناثر
وازرعك في صدري واعوّض سنينك = ويقوم حظٍ بالهوى كان عاثر
واهدره دمي لجل لحظة حنينك = ما عاد تفرق كان عمري تداثر
ليتك قريبه كان أقبل يدينك= وحبك بقلبي كل دقه يتكاثر

واتنفسك عطر .. ان تبخّر .. تبخّرت = لا تكسري في يوم .. قنينة العطر

من يوم غبتي والليال اتشابه ! =ولليوم مدري ليه كان ابتعادك ؟!
ليل وسهر وهموم ، ضيق وكآبه ! =حزن وأرق واوجاع جرح افتقادك !

أدري بأني أوحشك كل ساعه= واني على بالك ولو فيك ضيقه
وادري بعد تدرين فيني طماعه= يومٍ يمر بدون صوتك م.اطيقه
وادري بعد تدرين مر القطاعه = والحال من بعضه دقيقه، دقيقه
وتدرين عندي في غرامك مناعه = ماغيرك أحدٍ معه مني وثيقه
وادري بعد هالكون رغم اتساعه = مثلي فلا تلقين في هالخليقه

رفيق ليلي هالشعر، كيف أخليه ؟!=محدٍ يخلّي في الليالي رفيقه
هذا خويي دونه الليل م.اقضيه =مبطي وانا وياه خوّه وثيقه
وان كان يجفاني فلاني بجافيه = أشعر معاه طيور روحي طليقه
الشعر يحييني وانا دايم احييه= واتنفسه لا صار في الصدر ضيقه
م.اذكر عصاني لو صعيبه قوافيه = كل ما ندهته صوبي يعرف طريقه
مجنون شعر واعشقه حيل واغليه= وحرفٍ كتبته صعب يخفت بريقه

جيتي بدربي لين صرتي بقلبي = صدفه وتسوى بالهوى ألف موعد
في حين غيرك يحلم بيوم قربي= شرّعت لك بابٍ له اسنين موصد

وافتقدني عشق والقاني وحيد = في غياهب ليلتينٍ غيّبتك
واتساءل ليه تبقيني بعيد؟ = خايف الأيام بعدي عذّبتك
هذي الأشواق تكتبني قصيد= وادري انها شيبتبي وشيّبتك