إملاءات المطر
صفحة 4 من 14 123 4 56789 الأخيرة »
عرض 40 مشاركات من هذا الموضوع لكل صفحة

إملاءات المطر (http://www.emlaat.com/vb/index.php)
-   حرائـر غيمتي (http://www.emlaat.com/vb/forumdisplay.php?f=5)
-   -   حنانيــ .. آت ! (http://www.emlaat.com/vb/showthread.php?t=1858)

عبد العزيز الجرّاح 06/10/2009 01:19 PM

قرّب مدام اللي مضى حي ما مات =أزرعك في صدري وانا القلب بيتك
يعني نعيش الجاي عن كل مافات=صعبه اعيـش العمر دونك فديتك

عبد العزيز الجرّاح 06/10/2009 01:28 PM
20 / 9 / 2009م : 1 / 10 / 1430 هـ
 

يا روعة "أول عيد" .. يجمع هوانـا =صباحه أجمل من صباحات الاطفال
من زود سعدي كن محدٍ سوانـا =عيّد ياروحي بـ.اول ايام شـوال
العيد هذا من السعـادة عطانـا=عيدٍ سعيدٍ كله اشـواق وآمـال
والعيد الآخر فيـه "فرحـة لقانـا"=ماهي مثل فرحة سواليف جـوال

عبد العزيز الجرّاح 13/10/2009 08:45 AM


مد كفّك ،
لا تكف الما وأضمى
مد كفّك ،
دونك الخفّاق أعمى
هذا كفّي ،
يشتهي لمسة يديك ..
هذا حرفي ،
يبتدي منّك وفيك ..
مد كفّك ،
قرّب الحلم البعيد ..
مد كفّك ،
نكسر الحظ العنيد ..
هات يدك ،
نرقى ياخلي سمااا
هات يدك ،
نهجره عالم دُمى ..
مد صوتك ،
خلني أسمع صدااااه ..
دون صوتك ،
مالها طعم الحياااااه ..
مد كفّك ،
لا تكف الما وأضمى
مد كفّك ،
دونك الخفّاق أعمى ..

عبد العزيز الجرّاح 14/10/2009 11:53 PM


وينك ؟!
تغيب ولا قضى دينك ؟!

وينك ؟!
عهودٍ بيني و بينك !!

عبد العزيز الجرّاح 24/10/2009 03:20 PM

لو يطول الصمت وايام انتظاري = عهدٍ علي والله م.انسى صباحك
البعد ياعمري فلا غيّر مساري = راضي مدامٍ ف.البعاد ارتياحك
حتى لو انه فيه كل انكساري= عادي وربي دام يعني نجاحك
أحيان أشعر يا غلا ب.احتضاري = لكن تناسي لا يضيق انشراحك
مبسوط دامٍ فيك يبدا نهاري = وأقول : أحبك .. يسعد الله صباحك

عبد العزيز الجرّاح 07/12/2009 11:53 PM

ودي أضمك في عيوني وانامي=دام بعيوني آمني لا تخافين
أعوام ادوّر على مثلك غرامي=واعوام مثلي بـ البشر ما تلاقين
عاشق وشايف في عيونك مقامي=شاعر وصرتي في قصيدي عناوين

عبد العزيز الجرّاح 18/12/2009 12:22 PM

لا تحسبين القلب هجرك يهابه = قلبي واخبره ما يهاب التجافي
غيبي وقلبي لا يهمك صوابه = ياللي غيابك على قلبي عوافي
غيبي وباكر تمتلّك الكآبه = ثمٍ تجيني تطلبين التصافي
لانه غرامي مثل عشق الكتابه= منهو عشقها ما يعاف القوافي
لانه وصالي مثل رش السحابه = يروي ضماك وفيه أقول اعترافي:
إنّي وربي فيك مغرم صبابه= وإنّي أحبك حب عذبٍ وصافي
وإني كما صدر الفضا بالرحابه= وقلبي أعرفه بالهوى دوم وافي
أنا السؤال المستحيل يتشابه= وأنا الجواب المستحيل اختلافي

عبد العزيز الجرّاح 09/01/2010 01:08 PM


غمض عيونك ونام ، وخله إحساسك ينام ،
عادتك قبلي تنام !
وإن قلت لك ماهو حرام ، تهمل شعوري وتنام !
صدق أنت وروح نام ..
وينك و وين الغرام ؟!



مو جديده ،
تاقف أنفاسي بصدري .. وأنت تدري !
مو جديده ،
أزفر انفاسـي بصبري .. وانت عذري !
وجايني تبغى تنام؟! .. كل أحاسيسك نيام !
صدق أنت و روح نام .!
وينك و وين الغرام؟!

خلني للضيق والحزن وعناي : والسهر و الهم و الليل الطويل
والجفا والبرد و الشوق وبكاي : والشقا و الجرح والصبر الجميل
وكلّ هذا مو حرام ؟! لا سؤال ولـ اهتمام ..!
صدق أنت و روح نام
وينك و وين الغرام.!
وينك و وين الغرام.!

عبد العزيز الجرّاح 01/02/2010 11:53 AM

أنت ياللي صباحك وردتين وقصيد = وشاعرٍ من ضلوعه لك يطيّر حمام
سرب يوقف بدينك يالقريب البعيد= لك هديله مشاعر مع سلام وغرام
وسربٍ آخر يمثّل دور ساعي البريد= منْك ياخذ علومك يا خصيم الظلام

عبد العزيز الجرّاح 01/02/2010 11:55 AM

انتي معي من دون لاخذك وياي = وآنا معك لو كان وحدك بقيتي
يكفيني ابدى فيك صبحي وممساي = ويكفيك شمعه في حياتي ضويتي


الساعة الآن 02:24 AM.
صفحة 4 من 14 123 4 56789 الأخيرة »
عرض 40 مشاركات من هذا الموضوع لكل صفحة

Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها