يسعد مسا روحك .. وهيبة عيونك = ويسعد مسا قلبٍ ..على الخير يغتاب
ياشين وقتٍ .. لا سهرته بـ دونك= ويا ثقل دم الليل .. كانه بلا أحباب

قربيني لين أنفاسي .. مع أنفاسك تذوب =وأشربك لي حلم عمر .. وتشربيني لك حياه
قربيني لين همك .. يا غلا عمري يتوب=ولك ابهدي .. كل حبي .. لك ابهديني معاه

كل ليـلٍ مر من دونك عتـيم = وكل صبحٍ مر ما جابك حزين
ياعظيمة صرت في حبك عظيم= قبل " احبك " مالها طعم السنين

أنت الصباح .. وضحكته .. وابتهاجه =لا صار جاني منك .. شي ٍ رضيته
واكتبك شعرٍ .. منْك ، فيك .. انتهاجه= لولا وجودك .. يا حبيبي .. جفيته
مدري ولكن : كيف لوّ انتواجه ؟! = الظاهر ان العمر .. قبلك بكيته

يسعد صباح اللي .. خذتني من اقصاي= الجادل اللي صعب أوصّف غلاها
هي نبض قلبي .. حلم عمري ودنياي = وأنا الحبيب اللي فهم محتواها
طفلة لها هيبه .. وتسكن حناياي = الفكر كبّرها .. وزوّد حلاها

كيف أنام؟ وصوتك أنتِ ما سمعته !!= كيف أنام؟ وسحر صوتك يعتريني !!
كيف أنام؟ وكل شوقي لك جمعته !!= كيف أنام؟ وكل هذا الشوق فيني !!

قبل ما يشرق صباحك .. وأنبثق للعيـن نـوره=كن همي ينسج خيـوط الظـلام .. ولا نسانـي
ويوم جيتي يا صباح الحب .. يا روعة حضـوره=أمطرت غيمة "حنانك " .. وأروت عروق المحاني
وأورقت أغصان عمر ٍ .. ذابله قبلـك زهـوره=وابتدى مشوار " حلم العمر " .. يـا درّ الأمانـي

مجنونة الروح .. روحك ليه تسرقني = ليه الثواني بدونك مالها داعي
ما أجمل العمر يومه فيك يحرقني = أنسى همومي وحزن القلب وأوجاعي