ترى السبب نظرة عيونك وانتي ام عيون حور .. (مصافحة اولى )
صباحكم ود متناغمة عسى ان تليق بالعطر هنا
في ليلة(ن) عنها القمر غايب ولا بان الـه نـور=قمت أتخايل رمش عينك في شريـط الذكريـات اطويه وارجع من جديد اقراه في فكري حضـور=اسري وهوجاسي يغض الطرف عن كل البنـات أشعلت لك في خاطري شمعه وزفيـت السطـور=وانتي لك الخيره لقاء .. ولا شتات امع الشتات لجل ان حبك في الحشا له بضعة اسنين وشهـور=ماهي سوالف ليل منهم قطعوا حبـل النجـات وترى السبب نظرة عيونك وانتي ام عيون حـور=لحظة تواجهنا .. تذكـرت السنيـن الماضيـات كنت احسب اني قبل شوفك باني(ن) للقلب سور=واثر الغلا بيّن ولا ينفع مـع العاشـق وصـات وقفت مدري وين اروح اجيك ولا ارجع واخور=عندي كلام وفي عيونك شفت كـل المفـردات شميت ريحة عِطرك الليلة وانـا حيـل معـذور=لو اني أسج القدم واجيك مـع كـل الجهـات ودي أصالح بك سنين العمر وأعيشـك دهـور=أشرّبك كاس الغـلا وتصيـر لأقلامـي دوات إن قلت احبك يسبق الكلمات بركـانٍ يثـور=أغص بحروف الكلام وتيبس أطـراف الشفـات أقولها .. ما أقولها .. مدري وأنا كلي شعـور؟!!=يغريني احساسك ولكن خطوتك ماهـي ثبـات تبقى المسافه بيّنه ويبقى الغلا وسـط الصـدور=والامنيه لو مـا تحقـق مـا تفيـد الامنيـات لكن عندي شرط قبل امد لك جسـر العبـور=ابي غلا بيّن ولا ابي تسمعـي هـرج الوشـات ابيك ليمن قلت اشوفك .. تزرعي دربي زهـور=وانتي لك الخيره لقاء .. ولا شتات امع الشتات وسلامتكم |
http://tooofa7a.googlepages.com/hhhh.gif كهمس المطر للارض حين جفاف طهرا وصدقا انسكب هنا بغزاره مااجمل الحرف حين يحملنا الى السحاب ويسمو بنا محمد الاسمري لك جيوش من التقدير والاعجاب تتبختر http://tooofa7a.googlepages.com/hhh.gif |
اقتباس:
محمد الاسمري أكتب فيها ألف قصيدةٍ و ضعها بين رموشها كي تتراقصَ نظرا لك ،, جميلةٌ مصافحتك الأولى , |
اقتباس:
العذبه ،، هند شكرا لهذا العطر وسلمت اناملك على ما خطت لك خالص الود |
اقتباس:
بكاء ادخلتي على قلبي السرور بهذه الألتفاته العذبه ،، الجميل هو حضورك سيدتي خالص الود والتقدير |
محمد الأسمري ، صباح الشعر .. وأهلًا بك في إملاءات المطر شاعر بروعتك سيثري حضوره صدر الغمام شعرًا وَ فكرًا .. هطول أول جميلٌ جدًا .. انتظرناه كثيرًا .. وَ ها أنت تحضر وتتحفنا بـ هذه القصيدة الفاتنة .. شكرًا لـ هكذا شعر / سحر .. وَ ننتظر منك الكثير .. تحايا الجرّاح |
: محمد الأسمري ان كان حضورك الاول بـ هذه الروعه فـ بالتأكيد بأننا كسبنا شاعر متميز سـ يثري المكان بـ روائعه صح نبضك وبوحك ولاتحرمنا نزف قلمك دمت بسعاده : |
حياك و بياك..
افتتاحية تنبأ بقادم أجمل و أبهى الأسمري: سلم حرفك |
حرف يرتقي بنا الى عالم الشعر
ليبللنا بحرفه الشجي شكرا بحجمك |
الساعة الآن 06:52 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها