|
وجه المواني ...!
http://www.emlaat.com/vb/uploaded/65_1239142496.gif
حتى عندما يكون للشعر معنى فمن الأفضل ألا تستخرجه كله * هاوسمان * ياحزينه ! دوريني في زوايا الياس... في ياس المدينة ! دوريني في ملامح وجهك الدافي وقولي .. : قولي : وينه !؟ شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا ! في النوايا ! في الزوايا ! في الهدايا ! فالزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك ! كيف مرّ فـ يوم عينك لين مات احساس عينك ! وانتي عينه !! ياحزينه .. !؟ و... آتنفّس رغم هذا الضيق في صدر المدينة ..! ..................... وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! ..................... تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! ..................... بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! ..................... صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! ..................... ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! ..................... شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه ..................... مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! ..................... وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! ..................... مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! ..................... مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! ..................... مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة ..................... شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه ..................... يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! ..................... قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! ..................... من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! ..................... الحزن لاجيت ادور لك وانا اجهل مكاني ! ياحزنها ! رتّل معي تنهيدتي لاجف ّ فوقي مزنها ! . |
أنسكب لك شي مثل المي ! يمكن تشربينه ! ..................... وارتوي بك شعر.. مثل الشعر لامنّه .. دعاني ! بركات الشعر، لست متيقنًا من منكما يدعو الآخر أنت أم الشعر، ليرسم الدهشة! ولكن ما أنا متيقنٌ منه أنني ارتويت شعرًا هذا المساء كما لم أرتو من قبل. صدقًا، هي من أجمل القصائد التي قرأتها في المطر، بل هي أجملها ولسوف تخلّد بذاكرة المطر والشعر معًا. شكرًا بحجم هذا المساء، فقد أسعدتني عودتك .. أسعدتني كثيرًا، مع أمنية كبيرة بحجم حضورك ألا تغيّب شمسك عن سماء المطر. جل مودتي و تقديري |
شاعرك لو ماتنفّس ضاق به صدر المدينة ..................... شاعرك لو ماتبسّم .... كان مارفّت أغاني ! تنفستَ شعرًا ..! و تنفس المطرُ إبداعًا ..! غيمةٌ لا تحملُ سوى الذُهول .. بركات الشمري افض علينا عطرًا و حبرا / إيمَان |
و... آتنفّس رغم هذا الضيق في صدر المدينة ..! ..................... وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! ..................... تربكين الدمع ويل الدمع من ضيق المحاني ! نبض راااقي جداً وددت لو لم أنتهي من هذا الشعر المعتق بالمسك ! :m7: سلمت ولِـ قلبك الفرح :) ورده لحضورك / وأخرى لشاعريتك flower: ، flwr2 |
بركات : تجيء بالنور .. و دفق الشعور.. فذاك الحس ينبض في السطور...! فيا لله ما أبهى الحضور...1 |
مثل هذا اللي يدوّر في يدينك .. عن يدينه !
..................... مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! ..................... مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة ..................... شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه ..................... يمكن تحسيّن باللي ماقوى ... ينطق لساني ! بركات الشمري باختصار انت عذب قصيده باذخه الجمال ... صح لسانك مليون ولا يكفون ... |
: ياااه ورّب النُونْ حَرفُك يَصدَح بِالتفَردِ .. أبياتٌ مَحفوفَه بِحُزنِ النَوارِس ونبَضٌ مُتخَمْ بالحُزن !! الشّمرِي بَركَات قافِيتُك ماهي إلا نبؤةِ ألقٍ لن تتكَررْ ! صحْ نبضُك .. وسَلم بيانك .. : : |
اتمنى ان أكتب شعرا كهذا
قصيدة جميله ونفس شعري طويل تحيتي |
جميل ذاك النبض ، ديمة تهمي لنتنفس حرفك حد الارتواء كانت ترتيلة القصيد هنا . بركات الشمري : اعشوشبت الأرض من غيثك الماطر . |
إنه الشعر حين يعكس روح صاحبه.. . . الفاضل , بركات الشمري تعزف على وتر الأحاسيس الشجية بروعة لا متناهية هنيئاً للمطر وأهله بك تقديري |
| الساعة الآن 08:40 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها