حي صوتٍ لا لفى يروي اعروقي =يوم جفّت من غيابه ما جفيته
يوم غاب ولا شعرها نار شوقي = ذلك اللي بآخر اعماقي نفيته
حي صوتٍ صاحبه يسكن خفوقي = كم سهرته في غيابه ما غفيته
كان جاني ياحروف الشعر روقي = واظهري له اعذب اللي له خفيته

تشبهين الغيم ياهمس الغمام = والبياض اللي كسى صدر الشمال
والعطر والورد يا طهر الأنام = والصبح والنور والماء الزلال
من يحبّك والله انه ما يلام = لو يخون النّسا لجلك حلال
من تغيبي على الدنيا السلام = وان حضرتي صارت الدنيا عدال

حظ الرياض بجيّتك والشوارع = كل المدينه لا وصلتي بساتين
وحظ العيون الساهره والمدامع = وحظ العروق الضاميه والشرايين
وحظ الكفوف بلمستك والمسامع = في همستك يافتنة القلب والعين
ان كان قلبك من شقا البعد جازع = أنا لك بقلبي غرام المجانين
لكن غير الشوف مالي مطامع = لو يشره الرمان والورد والتين

وين صوتٍ هزّني لامن سمعته؟ = يوم عنّي غاب، واظماني غيابه
لو سهرته طول ليلي ما شبعته = والله ان الليل من بعده كآبه

في عشره عشره عام عشره وألفين = بأكد إنك حلم قلبٍ يحبّك
ما هانت العشره ولو غبتي سنين = ولا مات حبٍ في عروقي يصبّك

وينه اللي كل ما ضاقت يخليها وسيعه.؟! = واستظل بفي صوته يوم تتدلّى عذوقه
صاحبٍ ل.امطر سحابه يزهر بصدري ربيعه = لين يورق في خفوقي كل غصنٍ من عروقه
صاحبٍ لا غاب عني ليلتي دونه شنيعه.! = كيف يحسبني اتجاهل جيته وانكر حقوقه؟!
أدري اني عشق روحه ، يدري اني ما أبيعه = مثل ماهو في خفوقي ، مثل ماني في خفوقه
ليت لي حظ يحضابه صاحب الطلّه البديعه = ويهتني عشقي وشوقي واهتني عشقه وشوقه

ما بالنهار اللي ورى طلعة النور = روحٍ لها خاطر فبعدك تعيشه
والصبح من دونك من الضّي مهجور= وش لي بصبحٍ معك ماعيش طيشه
كن العمر بعدك على الوصل مقصور= وكل الأماكن في غيابك وحيشه

يا كثر مالك في قصيدي سيره = لو كان ماهي ترتقي لعناقك
من يوم حبّك والقصايد ديره = انتِ ملكها ماتطيق فراقك

كان الوصل حلمٍ تعايش مع الذات = واليوم أصبح في حياتي حقيقه
ودامٍ قطعنا في هوانا مسافات = واجب علينا اليوم نكمل طريقه
لن الغياب تضيق فيه الفضاءات = عجزت لـ.اقدر ياحبيبه أطيقه