الغروب اللي عشقته ياغروب = به تذوب الشمس ويهيض الحنين
من يحب الليل لا يمكن يتوب = السّهر و الشعر و السّر الدفين
والله إن من السّهر عيني تذوب= لين تشرب صحوة الصبح الحزين

ضاق الفضا بعيـون قلـبٍ يحبّـك = وصارت تشابه كل الأيـام دونـك
متى علـى الله التقـي يـوم دربـك؟ = وتغرق عيونٍ تعشقك في عيونك

انتهى عام وبدا عامٍ جديد = وانا عذابي م انتهى من بدابي
يشبه بصدري عمر عشقٍ وحيد = أكبر ويكبر كل م اكبر عذابي

يوم شفت البرد بضلوعك جفا = قلت اضمك عن شتا بُعدي واجيك
كل ضلعٍ فيك .. صوّت لي : دفا = كيف ماجيلك واضمك واحتويك؟!
واغرس ضلوعك وسط صدري وفا = وأنت تدري مالك بصدري شريك
عمر حبّك في خفوقي ما طفا =كلّ نبضه فيه تنبض لك أبيك
والوله ما يوم في قلبي غفا = والله إني ميتٍ منّك وفيك
قلت أسامح يجزي الله من عفا = واسأل الله إنه لقلبي يهديك
يمكن إنه خاطري منّك صفا = أو يجوز إنه بقى شايل عليك
بس شفت البرد بضلوعك جفا = قلت أضمك عن شتا بعدي وأجيك

الفاتن اللي طلّت بصورة العرض = ما تدري إن عيونها موت في موت
ياهي عيونٍ فاتنه عشقها فرض = إيه الجنون إن كان ماهو بتابوت

أهرب من الذكرى وحلمٍ رسمته = والقاه صوتك حي ب اربع جهاتي
والله م اذكر يوم حبّك ندمته = لو كان بعض احيان كدّر حياتي
الصبح لجلك يا كثر ما جهمته = أموت لكن ما تموت أمنياتي
والشعر عقد من القصايد نظمته = واهديت لك هالعقد معه أغنياتي
واللي بنيته بيننا ما هدمته = يمكن وفائي معك أجمل صفاتي
حتى شعور الحزن لجلك عدمته = جمعتني شاعر وعشقك شتاتي
ياعمري اللي في غيابك ظلمته =عادي اعيشه لين ليلة وفاتي
لاصار م اذكـــر يــــوم حــبّــك نـدمـتــه = آموت صوتك حي ب اربع جهاتي

كل صبح بجيّتك مشرق ، بديع = كل صبح بغيبتك بائس ، حزين
لا ضحكتي ، كن يضحك لي الربيع =لا زعلتي ، سال دمع الياسمين

ادري بقلـبـك لـــو يـغـيّـم جـــوّك =وتدري بقلبي لو فقدته صوتـي
وادري غيـابـي ينطـفـي بــه ضــوّك =وتدري غيابك مثل لحظة موتي

مـــــد كـفـيـنــك و نــاديــنــي تـــعـــال=قــل تـعـال: وشوفـنـي قــدام عـيـنـك
كيف أضيّع صاحبي درب الوصال=وأنــت تــدري غايـتـي مـــدة يـديـنـك