ياحلم عمري ، يابعد كل ناسي= أنا بدونك ياغلا الروح من لي؟
يا كثر ودّي تنتهي هالمآسي=ويفرح خفوقٍ في وصالك يهلي
محدٍ شبيهك بالغلا أو يواسي= ولا غيرك أحدٍ بالمخاليق خلي
انتي مكانك فوق شم الرواسي = واموت لو غيري يحل ابمحلي
للموت أحبك لو كسرتيه باسي = يا أجمل اللي في حياتي حصلي
فديت روحك يابعد كل ناسي = فديت كلّك يا بعد كل كلي

لحظة سؤالك تنتشي روح غاليك = ويفز قلبه من ضلوعه يلبّي
أهلًا حبيبي اسعد الله لياليك = وحشتني واشتاقلك حيل قلبي

أحبك .. كثر ما ينبض .. خفوقٍ صار مجنونك= أحبك .. كثر ما تسهر .. عيونٍ تحلم بشوفك
أحبك .. كثر ما قلتي : حبيبي وقلت : يا عونك = أحبك .. كثر ما قلبي .. عليك يخاف ويطوفك
أحبك .. كثر ما ودي .. أوقف للحزن دونك =أحبك .. كثر ما ودك .. أجيك وأنزعه خوفك
أحبك .. كثر ما فجري .. تنفس واكتسى لونك= أحبك .. كثر ما عطرك .. عشقها راحة كفوفك

مانام ليل اليآس، صاحي عشاني !=لبّس سواده وجه كـل المعانـي !
عامين وآنا كـل ليلـه اعانـي !=واسهره وحدي وانا عازف الناي !

بنتٍ تطالع للسما ينهمر ديم = ثم تبتسم للأرض تزهر نواوير
يسعد صباحٍ جابها جنّة الغيم = وش عاد أجمل منه صبح التباشير

ودي أسولف للمسا عن غيابي != واقول : فاقدني وانا بين ناسي !
يا كيف أجمّل فيك حرف انسكابي ؟= لا صار ضيقي ممتلي فيه كاسي !

يغرس حضورك بالعيون ابتسامه = وتنبت سنابل فرحتي في حروفي
لكن صبحك ماعطاني علامه ! =أردم بها فيني مواريد خوفي

يسعد صباح اللي صباحه أسرني = اللي له حروفي مع الصبح تنساق
وإليا حصل في يوم ظرفي عثرني = م.ارسلت تصبيحه ولا ارسلت الاشواق
ألومني لو كان خلي عذرني = وشلون راح الصبح ما قلت مشتاق؟!

من ودّه يغنّي ويعزف مع الجرح؟!= من ودّه يساهر عيوني واساهره؟
من ودّه يقاسم أحاسيسي الترح؟! =ويكون لي ملهم وانا اكون شاعره