من المسودة بلا عنوان ...
الفجر صار اكثر من النور لادرك = آخر ظلام وتالي الليل محتار واجمل ولااجمل منه لاصار فجرك= تجي معه وتغيب بالخاطر افجار دايم حضورك فيه اوفيه شطرك = يولد معه تذكار ويموت تذكار وان طول غيابك وغنيت صبرك = اتسائله عنك ولو مابه اخبار واليوم ادور في غناته بفقرك = كني مضيع عمر ومفارق ديار وجيتي عساني ماعدم صبح طهرك = اسرار ماخبت ومابقّت اسرار
من خوف لااعاتبك جيتي بعذرك = عن غيبتك وانا ملاقي لك اعذار
لاضقت بغيابك تذكرت سحرك = والفتنه اللي ثلجها يعتق النار وانفاسك اليا خالطت تيه عطرك = اكنها واضيع بافكار وافكار لين الهوا.. اتخيله ا لو بيفرك = صدري بيظهر ماردٍ منه جبار يقول لك شبيك لبيك وامرك = ويصير لك كل الذي مابعد صار ولا السوالف عن حنانك وصدرك= لاضمني منها وطن عشته اعمار والعالم اللي ماوزنته ب ظفرك = يفرض غلاك كبار وكبار وكبار والبسمه.. وغيمة دلعها بثغرك = لاشكلت لون الشفق تحت الازهار وظلمة ليالي فوضويه بشعرك = عنّت يدك كن بينهم دايما ثار اليا جلستي ينثني الليل حدرك = ولا وقفتي خالف الشور الاشوار ولا الشِعر ياكل مافيه شِعرك = لولاك ماذاق القصايد ولا ثار
يبدا .. حضور وينتهي بي لـ.. هجرك = رحال مايملك مفاتيح الافدار واتذكر انك لابديتي.. بعذرك = جيتك وكلي يابعدهم لك اعذار |
قسماً برب موسى وهارون ..انني مشدوه وعائدٌ هنا لا محاااااااااااااااااااااالة ..
عظيم احترامي لك ولشعرك .. مع حبي القبس |
أمّا أنا فلم تعتريني الدهشة أبداً... فأنا أعرف هذا الشاعر جيداً... عندما يحضر، يحضر الشعر الحقيقي معه. وأظن أن لديه ماردٍ شعرياً جبار..!!:) فأنه يكتب شعراً لا يكتبه إلا هوّ... العزيز / حسين عيدك مبارك... وكل عام وأنت بخير... من أقصى نقطة بأعماقي شكراً، لـ هذا الشعر/ السحر... دمت ودام أبداعك... مودتي وجل تقديري |
لاضقت بغيابك تذكـرت سحـرك والفتنه اللي ثلجها يعتق النـار وانفاسك اليا خالطت تيه عطرك اكنها واضيـع بافكـار وافكـار لين الهوا.. اتخيله ا لو بيفـرك صدري بيظهر ماردٍ منـه جبـار يقول لك شبيـك لبيـك وامـرك ويصير لك كل الذي مابعد صـار ولا السوالف عن حنانك وصدرك لاضمني منها وطن عشته اعمار والعالم اللي ماوزنته ب ظفـرك يفرض غلاك كبار وكبار وكبـار حسين آل صمع .. صح شعرك صح لسانك صح كلك لو فيه فوق القمه قصيده فهي قصيدتك هذي .. هنا الانصات أفضل |
حسين آل صمع
صح لسانك ولاهنت رااائعه الى ابعد الحدود دمت ودام هذا الهطول دمت بخير |
الفاضل / حسين آل صمع
ما شاء الله عليك جمال وابداع فائق احترامي |
أخي حسين
مبهرة هذه الحروف ؛ بل تحمل شذاً ربيعياً ..أنتشر أريجه في المطر .. لله درك من حرفٍ آخاذ لا فض فوك .. وصح اللسان. |
الساعة الآن 06:10 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها