|
ديوان همس البنفسج
بسم الله الرحمن الرحيم السلام
إن شاء الله تعالى سأجمع بعض ما أكتب من خربشات هنا في هذه الصفحة ولكل من مر هنا أجمل تحايا البنفسج برهان المناصير flwr2 قلوب العصافير (1) ثملت ضفاف الروح عبره وهوجاس ...........وفاضت على الريضان تطلب عوضها يا ليتها مثل العصافير هالناس .................ما كان قلبي يوم جتني رفضها تلبس عباه من المطر كنها الماس ................والغصن مثل العقد حنّ ونهضها شفها تعادي البرد والريح والياس ............... لجل الدفا حنّت وحضنت بعضها يا كنها تدفى على حر الانفاس ...............يوم السما تصرخ ويلمع ومضها تحت الورق تلتم والتم الاحساس .................بيح خفوق القلب ساعة لحظها فزت وهز الغصن واوميت بالراس ..............نبض القلب باحساس طيّر غمضها يا ليتها منها غدت تاخذ الناس .............بعض الشعور اللي يداوي مرضها برهان المناصير |
شهرزاد
(2) . . الف ليله أكتب الحزن ويزيد ................ليتني بحكي وتسكت شهرزاد اهمز لمهرة خيالي واستعيد ................حلمٍ اخضر كان في قلبي وباد واهنيي لا حيا الحلم الوحيد .................ابتسم فيني وعاد احيا الرماد التقي باللي يسافر بالوريد ..................ابحر بعينه واصير السندباد وكل بسمه هاجرت عني بعيد ..................تهجر المنفى وتسكني بلاد لو تنادي البوصله حلمٍ جديد ................... لاكسر الدفه ووجه للبعاد ليت خلي لا غدا الحلم الوحيد ...............أنطق ويسمع وتسكت شهرزاد برهان المناصير |
(طعم الموت)
(3 ) لي صاحبٍ ينصى ويسأل عن الموت ..................وده بذكر الموت يقرا قصيده والقاف بالبستان يقطف لنا التوت ...............وشلون طعم الموت ودك يريده يا صاحبي والموت يحصد بلا صوت ...............ما يعجزه حد الحقول المديده والله مصيبه تترك العقل مبهوت ...............كم نزعة الروح المريحه شديده قبورنا قصه ليا صارت بيوت ...............ختامها بعث وحياةٍ جديده حفره ولكن جنة الخلد مبخوت .............اللي مهدها قبل يسكت وريده واللي طغى يندم على لحظة الفوت .............حفره ولكن نار سوده وقيده لا جيت تسألهم تلاقيهم سكوت ...........تخلط ترى ما بين عبدٍ وسيده قبر الجحيم اللي به الهم مكبوت ............وقبر النعيم اللي تبسم وحيده يا صاحبي والقاف بي غص بالتوت ........لا جاب طار الموت عاف القصيده برهان المناصير |
دفى العصافير
( 4 ) اشلون ألملمني وتدفى العصافير اللي ذبحها البرد سبة جفاكم علم فؤادي يا كثير المشاوير اشلون أبمنعها المدامع وراكم يوم المشاعر في فؤادي نواوير جتها السنين الماحلة من تلاكم النرجسية في فؤادي غدت غير من صورت لي بالمحبه حلاكم بين الجفن والعين متحف تصاوير شف السهر شاهد علينا معاكم خايف على زهري يمل المعاذير ويجف قبل الشوق يرويه ماكم من هامت بعقلي هجوس التفاكير ما عاد أشوفه غير ساكن مساكم ياليت فيكم ينفعن التعابير وأرقى بحرفي لين أعانق سماكم وأنثر حروفي ما أخاف المحاذير ويصير وبل الديم غاية مناكم برهان المناصير |
صباح الورد يا يمه
( 5 ) .. صباح الورد إلى وشوش نداه بسيرتك يمه .......................يفوح العطر من قلبي وسلم يسبق لساني ويتنفس غلاك الصبح روحي تركض تشمه .................ترى ما هي سوى نبضه غدت في قلبك الحاني نسايم ورد دعواتك تجي بالحال مهتمه ......................ولا تبرح حنايا الروح الين تهاجر احزاني وأنا في داخلي طفلٍ نثر دمعه على كمه .....................إلى بزعل ركض يمك وبيده سلة اشجاني وإلى بسكت يطير القلب يشكي ال قلبك وضمه ...................وإلى يعجز سواة الطير قلبك بالدوى جاني وانا مثل الربيع الهش غير الغيث ما همه ....................ولا غيرك بغيث الصدق امطرني وواساني يذوب الورد في قلبي يعطر بالغلا دمه ..................سرى فيه النفس روعة وصار الورد ميداني ومنزلتك يا يمه فوق فوق وفوق في القمه ....................وغيرك ينزل ويطلع وحبك ثابت اركاني يبعثر قلبي ذكر الناس ياتي ذكرك يلمه ............يصب الطيب لين الطيب صار بصورة انساني صباح الورد يا عطره ياروح الورد يا يمه ..................صباحٍ حبك اتنفس وشهق همي واحزاني برهان المناصير |
حلم البنفسج
( 6 ) الغيم يعزف للبنفسج بالعروق .....................وصب المطر نساه صدة رفيقه طيفه تربع بالحشا وازهر الشوق .....................والروح صارت للبنفسج حديقه هذا وليفي رافق غيوم وبروق ......................ويّا المطر لا صب روحٍ رقيقه كنه فرح من مهجة الغيم مسروق .....................حلمٍ غدا لي بالحنايا حقيقه من وين ما يقبل يلاقيه بشروق .................واليا مشى فاح النفل في طريقه يا سرع ما مرت على جرح مفتوق ...................ليلة فرح ما كنها إلا دقيقه الطيف روّح واترك القلب مخنوق ..................يوم الوله شب الجمر في عميقه والغيم سافر واشعل البرق بالموق .....................اركض ورى نوره وانادي بريقه كني لفظت الروح مع صرخة التوق .....................وكنه ولا يدري بقلبي وضيقه ادري عبث ناديت من قلب محروق .....................البحر ما تلفته صرخة غريقه برهان المناصير |
دمعة وفا
( 7 ) شفت إلى من السما تصرخ وتبكي يالحبيب !! ................تضحك ارض وتورق اغصان وتفتح للحياه وشفت دمعه من عيونك !! هزت القلب الصويب .......................والوفا وبله حيا ورد المحبه يا مناه ظلك ابكي !! وابكي مثلك لا من اقصاك النصييب ....................يمكن بيومٍ تلاقى ويشكر العاني وفاه اه لا منك رحلت القلب ما بطل نحيب .....................جفت عروقه وقاعه ينتظر دمعة سماه منك هتان الوفا من يلمس جروحي تطيب ........................لا ترد الدمع تكفى دام يشفينا دواه آه لو شفت المدامع لا سقت خد الغريب ......................الوطن ينبت بخده والاماني في شفاه وانا في وجهي نبت وجهك سنابل يالحبيب ....................والاماني في شفاتي تنبت وتزهر حياه برهان المناصير |
الدنيا رزنامة
( 8 ) الدنيا رزنامه والايام صفحات ..................والعمر ينزعنا وياخذه منّه انسوّد الصفحه ونكتب عبارات .................عند الحساب الحرف ترويه عنّه يا نفس توبي واكتبينا بدايات ..................قبل النهايات الأليمه يجنّه يا كيف نتونّى وللموت غارات ...............لا جا يتوب انسان ما يمهلنّه الدنيا غمضة عين تمضي بلحظات ............وبالقاع الابيض نفتح العين حنّه ما تنفعك عند الموازين حسرات ............ولا قولة ان ابليس هو من فتنّه تتعب تنادي الموت يطوي المعاناة ................وتحرم السكرات مع قربهنّه ما دمت بالدنيا والايام عجلات ..............احرص مدام الدار نارٍ وجنه ودار السلام اللي بوسع السماوات .................افطن تراها يالمعنّى وطنّه يالله سترك يوم نشر السجلات .............ويارب عفوك تعفو اليوم عنّه برهان المناصير |
حلم طفل
( 9 ) طفلٍ لمحته كاسف الحال ! حيران ! ............زورق ورق .. بيد النسايم تذله ! يا ديم عينٍ ، ساقت الهم هتان ..................تنبت على خده سؤالٍ وحله لي يضحك اصحابه فرح ليه حزنان ! .....صوت الضحك ! والعاب! . قلبه تتله يشبهني لكن يختلف لون الأحزان ............مثل الجريح ! وصورته بالمجله ! لما عطيته ما يبي راح فرحان ! ..............كني عطيته فرحة الكون كله ! رجع الطفل يبكي ! تقل فيه بركان ! ............بيده شظايا لعبته ! ويش اقله ؟ اش حال من هو فارق اليوم خلان ؟ .........وقلب انكسر ما بين عله وعله !؟ جمعت باقي الحلم بيدين الاشجان ............ورجعت قلبي لوعته تستحله ! لعبه ولكن كسرها هز وجدان ...........طفلٍ وشاعر فارق عيون خله ! برهان المناصير |
هلا باللي
( 10 ) هلا باللي ليا منه تبسم ........... ينير القلب يتمنى رجوعه أنا قلبي ليا منه توسم .........يشوف النور كله في طلوعه اشوف الكون بي كله تقسم .........وما غيره تمادى في سطوعه ظلامٍ في غيابه بي تجسم .........وصار انسان يرثيني بدموعه حبيب الروح إلى منه تنسم .............تزيد انفاسه الحرى ربوعه جفاف الروح خلي لا تبسم ...........يصير الديم تتمنى رجوعه برهان المناصير |
| الساعة الآن 08:04 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها