أدعي ربّي يصبّحكْ بالخير كلّـه = و يحفظـكْ من كلّ شـيطان ٍ رجيـمْ
غاليٍ عندي و وجهك ما أمـلّـه = شـوفتـك تبري من الناس السّـقيمْ
حبّـك لروحي دوا، ما هو بعلّـه = حـيّـرتني و آنا الذي كنتْ الحليـمْ
و احرقـتني كنّي بحبّك خبز ملّـه = و تقلبـهْ ع.الجـمـرْ نيرانْ الهشـيمْ
خـلّيتني ولهانْ تغشـاني المذلّـه = و آنا شـهم ٍ من ظهر رجلٍ كريم
بعضهـمْ يبـدا صباحهْ بشـمّ فلّـه = وبعضهـمْ يبـداه بهبـوب النسـيـمْ
و بعضهـمْ يبداهْ من مسكوب دلّـه = مـع قريـبٍ أو جلـيس ٍ أو نديـمْ
لو يزوركْ طيـفيَ الولهانْ قـلّـه : = ما دريت الحـبّ يفـتـكْ بالسـليـمْ
من سـنين العمرْ لك يا زين جلّـه = والله اللي بس بالبـاقي عليـمْ
عمري أنتْ، وخافقي قوم استحلـّه = و يا عسـى استعمارْ حبّـك مسـتديمْ
ولو أشوفك فز قلبي من محلّه = شوفتك تجلب لي الخير العميـمْ
واسمكْ بروحي ونبـضْ القلب شـلّه = و منـك أبدا و فيكْ أختـمْ يالحشـيمْ

.
.
شكراً للصباحِ الذي جاءنا بهكذا عِطر ،
وشكراً أخرى لك أن جئتنا ذاك الصباح . .
صحّ لسانك ولاهِنت ‘
:rose: