|
خفوقي لي متى تكفى .. !!
السلام عليكم عذرا ً على الغياب وللتواصل اتمنى ان تنال شي من الإعجاب ...
بعد ما هو غشاني الصمت هنا للبوح لي مدخـال = ابي اكسر جدار الصمت بعد ما جـار تطويقـه وبعد مالت على وجهـي ليـال الهـم والغربـال = سلام الله يا حلمي مـن الضيقـه ليـا الضيقـه طويتك يا دروب الصمت طويتك والجروح اشكال = طويتك والاسى وارق علـى أوطانـي مواريقـه اعيش الواقع المُحزن اشوف ان الليال اطـوال = وانا ادري ان الهنا ممكن ولكن كيـف تحقيقـه ؟ غريب وغربتي طالت تمـوت بداخلـي الآمـال = تمزقني الليال السود ثقيل الوقت مـا اطيقـه !! خفوقي لي متى تكفى !! تعبت اطرد سراب اللال !! = ابي منك الجواب ارجوك ولو هو صعب تصديقه وثقت ولا بقى لي شي .. سوى يوم العزوم جبال = زمان ٍ لو عقد به عهد .. يخون اسهـل مواثيقـه !! يقولون الصبر غيمه .. ( وانا اقول الصبر محتـال ) = لأنيّ من صبر وآخر محاصيله ( نشف ريقـه ) والا يا حاسد ٍ حالي تجي تشرب ولـو فنجـال ؟ = من هموم ٍ ملت عرقـي علـى قلبـي ومعاليقـه لجل تعلم وش همومي على الغربال والترحال !! = وعلى الهاجس ليا من قام يغنـي لـي طواريقـه يغني لي وانا دمعي على خـدي جـرى همـال = سبايب حظـي المقفـي وقـل ّ الحـظ توفيقـه متعب فهد |
اقتباس:
هذه القصيدة الرائعة لفظاً , ومعنى تشفع للغياب وتجعلنا في شوق.. لـ انتظار المزيد منك متعب فهد.., صح لسانك |
. - أحترت ماذا أسمي هذا البوح - فالجمال يكسوه من رأسه حتى أخمص قدمية - وللألم فيه حكاية أخرى يحكيها الشعر على أرصفة الوجع - متعب والله العظيم أحترت - خرجت من هنا وأنا أردد لم يمت الشعر / لم يمت الشعر . |
متعب ، هذا الحضور يعذر لك غيابك نص فيه من الشعر القدر الكبير .. وفيه أيضًا من الحزين وَ الألم الكثير .. مُتعبٌ .. هذا النص يا متعب .. شكرًا لـ شاعريتك الجميلة .. تحايا الجرّاح |
متعب فهد
سلم يراعك و زادت حروفك تألقاً |
يقولون الصبر غيمه .. ( وانا اقول الصبر محتـال )
لأنيّ من صبر وآخر محاصيله ( نشف ريقـه ) هنا احتشدت كلّ الغيومِ و غصّت بِ طهرِ الحزن , هطلت يا متعب من بعد غياب بخيرٍ كثير , لا تغِب كثيراً لهذا النّبض كلّ ما فينا يتوق , |
: متعب فهد قصيده قمه في الجمال سيمفونيه راقيه ابدعت في عزفها واطربت اسماعنا بها صح نبضك وبوحك ولاتحرمنا جديدك دمت بسعاده : |
http://tooofa7a.googlepages.com/hhhh.gif تستوطننا غربة الشعور لتحيلنا الى غرباء في وطن يزملنا الوجع ويدثرنا كالكفن حتى تلابيب الانفاس الجميل / متعب فهد صباحي يشحذ نوارنيته من روعة حروفك ايها النبيل ابق في السماء http://tooofa7a.googlepages.com/hhh.gif |
متعبـ ..
بوحـ يشفعـ الغيابـ .. إستمتعتـ بـ/قرائتها بدلـ المرّهـ .. / مرّاتـ دمتـ بود \ / دوم مويوم وجـدان |
طويتك يا دروب الصمت طويتك والجروح اشكـال طويتك والاسـى وارق علـى أوطانـي مواريقـه اعيش الواقع المُحزن اشـوف ان الليـال اطـوال وانا ادري ان الهنا ممكن ولكن كيـف تحقيقـه ؟ حروفي خاشعة حزناً...،،،،!! الشاعر / متعب فهد قصيدة في قمة الروعة.. لا تحرمنا من هكذا إبداع.... |
| الساعة الآن 01:17 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها