حِبّ لي عينه ؛ وسلّم لي عليه = ذكّره بان له مشاعر ناطرة
يا رذاذ الغيم اكتب في يديه = فيه روحٍ لجل روحك ماطرة
وفيه شخصٍ ماوجد شيٍ يبيه = كون ذكرى من زمانك عاطرة
كل ماطاف البلاد ولد فيه = ماوجد به مايلذ بخاطره
كون حزنٍ من غيابك مقتفيه = أنت ساهي والحزان تشاطره
كنّه مواطن فقيرٍ مثل أبيه = خير أرضه في حمى الاباطرة!
لو حصل في يوم واخطا وقال ليه؟ = فجّ دولاب السخط قناطره
من رحلت وبه سؤالٍ: كيف اجيه؟ = والموانع كلها متقاطرة!
له عتابٍ لوّ قدر يطلعك فيه = ساق من خبت التنائي فاطره
لو يطول الدرب تحته ماعليه = ما شكا دربه ولا مخاطره
حافظ لك شي أرسلته إليه = جابرٍ حزنه عليه وأطره
مخمل وردي ومكتوب عليه = لك تحية من " تهاني" الشاطرة

**





**


:rose:

م.س.

زميل الحرف..
محمد السالم..
قصيدة موشاة بأزاهير البيان
و حسن السبك..
تناغم بين المشاعر و الأوزان..
كما عهداك مطر، شعر، شاعر، ماطر..