محتاج ..!
. . .
مشتاق اغنّي وازعج بصوت برّاق = محتاج والحاجه غريبه عجيبه تعنّ بالخاطر هواجيس عشّاق = ويشن هاجوس الضماير قنيبه قنيب ذيبٍ في دجى الليل ماراق = والصوت مايبري جروحٍ عطيبه أرسل سلامي مُفعم بحر الأشواق = مضمخ بدمع الفراق ونحيبه للي على عرش الحنايا له اشراق = في كل لحظه ادعي الله يجيبه داي ودواي زعاف قلبي وترياق = عشرين عامٍ مالقينا طبيبه الياس عنّي مبعد ابعاد سرّاق = غاب وتغرّب خشيةً من طليبه اعيش حلمي واقع بروح مشتاق = أبني صروحٍ من خيالي واعيبه واعيش حاضر نازف الجرح غرّاق = حلمٍ يداعب شيبتي والشبيبه لجل التوازن يلزم اشعال واحراق = باب الأمل مفتوح مافيه ريبه ما قدّر المولى على العبد ينساق = ما يمنع المكتوب وقفة قريبه . . . عيكم مُبارك وكل عام وأنتم بخير دايم |
الجميل / خالد الغاشم يسرني جداً أن أكون أول الواصلين لـ عبير حرفك... فـ هذا الحضور أعذب / أقرب ... شعراً وشعوراً ... خالد ... أسعدني جداً تواصلك ... من القلب شكراً لحضورك ... وكل عام وأنت بخير ... مودتي و تقديري |
داي ودواي زعاف قلبي وتريـاق .......................... عشريـن عـامٍ مالقينـا طبيـبـه الياس عنّي مبعـد ابعـاد سـرّاق .......................... غاب وتغرّب خشيـةً مـن طليبـه هذا الغياب كـ المرض .. موجع .. ! الشاعر / خالد الغاشم صح لسانك على هـ الباذخه ولاهنت |
:: الفاضل .. خالد لِشفيفِ النُوْرِ بعبقِ حَرفِكَ دَوَاتُ إبدَاعٍ تِهطلُ بدِيمَهَا كـ نفحَةِ ارتوِاءٍ بالنَفسِ : صَحَ بيانكَ .. http://www.xx5xx.com/vip/vip/i.gif |
ما قدّر المولى على العبد ينسـاق
ما يمنع المكتـوب وقفـة قريبـه الله الله ياخالد الغاشم صح لسانك ولاهنت دمت بخير |
الساعة الآن 07:36 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها