|
تدري وش اللى فى غيابك تعلمت ... إن الفراق أصعب من الموت لاجاك
صباح / مساء الخير للجميـع .. اخواني واخواتي اعضاء هذا الصرح الشامخ .. تحيه طيبه وبعد .. هنـــــــــا .. كــل مايتعلـق بـــ راشــد الفهيــد من قصـائد وابيـات يتيمه .. وأتمنـي أن تنــال أعجابكــم .. ولكم ودي flwr2 |
عانيت فغيابك كثير وتألمت ... وياقو صبر القلب من عقب فرقاك
أكتم وأخفى لوعتى ماتكلمت ... وأضحك مع العالم ولاجيب طرياك ولامرنى طيفك سكت وتبلمت ... وأسج مع طاريك وأروح وياك وأخاف يدرى من حوالي ثم قمت ... خايف تبين حالتى من سواياك تدرى ليا منى غفيت وتحلمت ... أنت الوحيد اللى نشوفك ونلقاك وتدرى وش اللى فى غيابك تعلمت ... أن الفراق أصعب من الموت لاجاك |
بقول لك شى دامك ناوى الصده ... كلمه من القلب خذها كاش بلسانى
خذ وقتك اللى تبيه وطول المده ... وشف منهو اللى يرد ويسبق الثانى والله لترجع وصبرك منتهى حده ... واقول لك وقتها تقدر تحدانى |
دخيلك لاتخلينى ابقضى دنيتى وياك ...تراك انت الوحيد اللى أليا شفته ملا عينى
غلاك بداخل عروقى ولايمكن ابد انساك ...انا انسى الناس والدنيا ولاشوفك تخلينى تعال وناظر عيونى وصدقنى تبى تلقاك ... مصيبه من لمح عينى يطالع صورتك فينى انا وين ابتعد وانسى ولااقدر على فرقاك ... تمكن حبك بقلبى وسيطر فى شراييني تصور لابغيت انساك شعرى جاب لى طرياك... واغوص الشعر واكتب لك تعال وشوف ياعينى كبيره كان ماتدرى بحبيب(ن) مخلصن يبغاك ... يبيع الناس من شانك ولو فيها ملايينى انا بطلب طلب واحد ابيك تنفذه نفداك ... يطول الوقت أو يقصر أمانه لاتجافينى |
تدرى وش الحب معناه وتفاصيله ...أنك تحب بضمير وتخلص النيه
|
تدرى وش اللى مايخلينى أنساك ... أول لقى مابيننا وأنت خـجلان
|
هـــنــا...
أسطر لحــ الحب ــظــات... لحــ الحزن ــظــات... لحــ البعد ــظــات... لحــ الألم ــظــات... لحــ الشوق ــظــات... لحــ الحنين ــظــات... لحــ الفراق ــظــات... كل لحظة من حياتي تحكي عن قصة مضت... وان رحلت...اذكروني... |
تدرى وش اللى ذبحني وأحرق أعصابـى ... صــورك اللــى معــاى ومحتفــظ فيهـــا
|
وين انت ياللى غيابك زاد عن حده ... تعال شفنى عقب فرقاك ياجافى
ياليت ترفق بخلك عقب هالصده ... محتاج اشوفك وابين لك عن الخافى واعلمك وش جرالى بعد هالمده ... والله مانى عقب فرقاك متعافى لولا ضلوعى ترد القلب وتصده ... والله ليطلع من الحرمان ياكافى ارحم حبيب ٍ تولع والغلا هده ... صارت حياته ظلام اسراجها طافى يسامر الليل مع ذكراك ويرده ... يذكر زمان ٍمضى يوم انت له صافى أنشهد ان الهوى ملعون ابو جده ... يدمر حياتك لو انك قرم وسنافى |
لاصـار عينـى ماتشـوفك علـى طـول ... ماعاد لي فيهـا / ولا ابغى نظرهـا
|
عقب الغلا صرت تنكرنى وتجفانى ... ماكنت انا اللى تبى قربه وحبيته
جيتك ابى شوفتك واخذك بأحضانى ... يدفعنى الشوق وانت اللى تمنيته ماكنت اصدق تجى منك وتنسانى ... بنيت سور المحبه وانت هديته من اولن كنت شارينى وتبغانى ... واليوم حتى أتصالي لك تناسيته ياكثر ماكنت ترسلى وتهوانى ... وجوالك اللى شكى منك وأذيته أباتحمل خطاك وكل ماجانى ... من شان الايام واللى معك قضيته |
لــو أدرى انـى فـى منامــى أشوفــك ...حرام لقضـي دنيتـي كلهـا نــــوم
|
في هذه اللحظات عاجز ان اسخر قلمي للكتابة
فقد أبى ان يكتب ولو شطراً واحداً فأكتفى بقولي أحبــــــــــــــــــــك رغم كل شئ وسوف ابقى كذلك،،، . |
بقول لك( كلمه )عسى الكل يفداك ... وعساك دايم فى حياتك تهنــا
|
جميل أن تنتظر من تود قدومه
. . . فيأتي |
تدرى وش اللى زود الطين بله ... انى عقب فرقاك حبيتك اكثر
|
خلاص رقمك من الجوال كنسلته ... حتى رسايلك بالوارد لغيناها
لاواحسايف كلام الحب لك قلته ... والعشره اللى على شانك قضيناها ياكثر ماشفت من شانك تحملته ... وياكثر زلاتك اللى مابغيناها ياما على شانك المشوار كملته ... وياما على شانك ديارن نصيناها حتى الكاونتر جوازى فيه نزلته ... وياكثر صفحاته اللى لك ختمناها واليوم حبك قسم بالله هملته ... عفت المحبه من اسبابك وطرياها خلاص حتى طريق الحب قفلته ... واللى مضالى من الذكرى نسيناها خلاص رقمك من الجوال كنسلته ... حتى القصايد على فراقك كتبناها |
من عقب ماكنا نشوفـه ونلقـــاه ... اليـوم يابعـده/ ويابعد داره
|
.
. الآن وفي هذه اللحظة أدركت ما كان يشعر به متعب التركي عندما قال : اشوف لك من وين ما رحت ذكرى ولا شفتها صديت عنها و دنقت ....... !! . . |
شوف المكان اليوم من عقب مارحت ... يغلب عليه الصمت لحظة غيابك
خذها نصيحه ياحبيبي ليا صحت ... محد ٍ بعد راشد بيجبر صوابك صحيح زاد الشوق وان شفتني/ طحت ... يمكن تحصل جثـتي عند بابك ابيات وليدة اللحظه |
http://www.alamalyawm.com/ArticleDet...x?artid=147100
شكرا ً للأخ العزيز / خالد المويهان معد صفحة اوزان الشعبيه فى جريدة عالم اليوم على نشر إحدى قصائدي .. شكرا ً خالد |
http://www.arrouiah.com/node/293899
شكرا ً للأخ العزيز / بدر ناصر العتيبي معد صفحة الشعر فى جريدة الرؤية على نشر احدى قصائدي .. شكرا ً بدر |
ان كان قصدك على الفرقا تحدانى ... خذ راحتك قد ماتقدر على الفرقا
|
حتي عيوني/ فالغياب اسهرتلك ... والدمعه/ اللى حايره بين الاجفان
حاولت اداريها / وغصب ادمعتلك ... طاحت/ وانا صديت كن شى ماكان |
اشتقت لك فى غيبتك بس وين انت ... هذا البلا يابعد دارك واراضيك
اقعد واطالع صورتك وين ماكنت ... والمشكله لاجيت اصوت واناديك انت الوحيد اللى بقلبي تمكنت ... والله مافى الكون شخصن يساويك حبك سلب فكرى وخلاني ادمنت ... على السهر واجلس وافكر بطاريك حتى بصلاتى لاجلست وتسننت ... طيفك يمر البال وانسى واخاويك والله حتى بقاف شعرى تفننت ... مرات بيني وبين نفسي اغنيك |
لاواحسافه خنت عهدك وماضيك ... وخيبت ظن اللى يحبك ويهواك
خيبت ظن اللى من الناس شاريك ... اللى يبيع الناس لجلك ويدراك ياما على شانك تنازلت واعطيك ... وضحيت بالغالى وادوربه ارضاك من اولن نفرح بشوفك وطاريك ... واليوم مايطرى على البال لقياك لاتحسب أنى عقب صدك بناديك ...كمل طريقك والله اليوم وياك دور وتلقى بالهوى من يسليك ... تغليه من قلبك وهو حيل يبغاك وتعيش اجمل حب واحلى لياليك ... ويبادلك طعم السعاده ويرعاك ولابد ماترجع وتخضع لغاليك ...واذوقك طعم التعاسه بدنياك واقول لك ارحل ترى اليوم ناسيك ...مانى من اللى يتبعك ويتـــرجاك راسي مثل نجم(ن) بعال السماء ذيك ... ماينحنــى راسى لمثلك وشرواك |
تكفون قولوله ترى الحال منهار ... يجى ويشوف بعينه اللى جرالى
عايش مع الاوهام والفكر محتار ... الله يعين القلب واعزتالــى من حبهم هويت انا ركب الاسفار ... ماارتاح لين انى اشوفه قبالى وطيت من شانه على كل الاخطار ... وخليته اقرب بالغلا من ظلالـى |
لاشفت خلك يصد ومنعدم خيره ... ارفع مقامك وفوراً سكر احسابه
|
صورتك كانت من أجمل شى فى بالى ... واليوم والله من أقصي القلب شلناها
|
راح الحبيب اللى هويته من سنين ...من يوم ماراحت وحالى حزينى
ابو خدودن مثل ورد البساتين ... وعيونه اللى لا لمح دوم فينى يسوى جميع الناس قاصى والادنين ... هو رغبتى هو غايتى هو خدينى راشد عقب فرقاك يشكي من البين ... الحال ولا والهموم تحدينى صرت اتحرى شوف سيد المزايين ... وافرح انا بقربه وحالى يزينى |
من أولن لاشفت زولى تبسمت ... واليوم ماكنى على البال مريت
|
عزالله انى نويت الصد يالغالى ... والعشره اللى مع شرواك عفناها
اسمع كلامن يقولونه بالامثالى ... اللى يبى راحته لابد يلقاها بمشى بدربن نويت امشيه بلحالى ... وبطيع نفسى برغبتها وممشاها حبك وش اللى مع الايام سوالى ... غير التعب والهموم اللى حصدناها الله حسيبك ماكان البعد يطرالى ... لاشك طبعك ونفسك ماعرفناها كنت احسبك لو يطول الوقت تبقالى ... وكنت احسب انك ربيع النفس وامناها خيبت ظنى معك فى كل الاحوالى ... وغيرت صوره جميله لك رسمناها صورتك كانت من اجمل شى فى بالى ... واليوم والله من اقصى القلب شلناها ياللاسف ماعرفتك غير بالتالى ... يوم انكشف سر نفسك مع نواياها خلك بخبثك تعيش ودالهن سالى ... وبكره تجينى عيونك ينتثر ماها والله لصبر على الهجران لو طالى ... ازمه صغيره ولابد انتعداها |
شفت الاماكـن كلهـــا ؟ بختصــرلك ... راشــد بكـل مافيــه ينطرك ولهـــان
|
من يوم رحت وحالتى ماتسرك ... ترحل كذا فجأه بلا سابق انذار
ترحل وتدرى وسط قلبى مقرك ... ترحل وتتركنى معرض للاخطار قلى وش اللى جاك منى يضرك ... خلاك تجفا ومابنيناه ينهار ابسألك بالله طيفى يمرك ... ولا مسحته من خيالك والافكار لو تبتعد وتروح ماطاح قدرك ... خذها وعد منى فلا غيرك اختار ودك تصدق كلمتى زيد هجرك ... شفنى وانا احبك على كثر الامرار أشــواق قلبى والمشاعر تبرك ... بكتم على حبك ولابوح الاسرار واللي بقى عقبك ولله درك... (صوره) وتبقى طول الايام تذكار |
أمـر مـع شارعـه وأناظــر لبيتــه ... واروح وأرجع وهـذا اللـى يسلينـــي
|
الحب بلوه كبيره ماهـي صغيــره...كم واحد(ن) عاف حلو النوم بسبابه
يسامر الليل عينه دايم سهيره... يشكى فراق الحبايب مخطر صوابه الحمد لله عطانا نعمه اكبيره ...نسيان لولاه تلقى الرجل بترابه |
يالنيل انا قررت اسافر واجيلك ... مشتاق انا والله حيل لشواطيك
ياحلو سهراتك وجوك وليلك ... وبالذات شوفة صاحبي فى مراسيك |
تكفى ياخالد طلبتك ضايق ٍ بالى ... ودى بشوفه ترى ساعه تكفيني
مخطور عقبه يصيب القلب زلزالي ... ويدمر الحال ويقطع شراييني شف دوك جسمي عليل وناحل ٍ حالي ... والهم كله عقب فرقاه يطوينى اذكر زمان ٍ مضالي مع هوى بالي ... وقت ٍ مضى راح مابينه ومابيني جلست مع صاحبي والنيل يبرالي ... خلف السرايا واشاهد هلتون يميني من يوم راحت خذت الاول مع التالي ... والله محد ٍ بعد خلي ملا عيني بقولها حيل وارفع صوتي العالي ... مهما يطول الزمن حبه مكفيني |
| الساعة الآن 11:47 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها