إملاءات المطر - تدري وش اللى فى غيابك تعلمت ... إن الفراق أصعب من الموت لاجاك

إملاءات المطر (http://www.emlaat.com/vb/index.php)

- حرائـر غيمتي (http://www.emlaat.com/vb/forumdisplay.php?f=5)

من أولن لاشفت زولى تبسمت ... واليوم ماكنى على البال مريت

عزالله انى نويت الصد يالغالى ... والعشره اللى مع شرواك عفناها

اسمع كلامن يقولونه بالامثالى ... اللى يبى راحته لابد يلقاها

بمشى بدربن نويت امشيه بلحالى ... وبطيع نفسى برغبتها وممشاها

حبك وش اللى مع الايام سوالى ... غير التعب والهموم اللى حصدناها

الله حسيبك ماكان البعد يطرالى ... لاشك طبعك ونفسك ماعرفناها

كنت احسبك لو يطول الوقت تبقالى ... وكنت احسب انك ربيع النفس وامناها

خيبت ظنى معك فى كل الاحوالى ... وغيرت صوره جميله لك رسمناها

صورتك كانت من اجمل شى فى بالى ... واليوم والله من اقصى القلب شلناها

ياللاسف ماعرفتك غير بالتالى ... يوم انكشف سر نفسك مع نواياها

خلك بخبثك تعيش ودالهن سالى ... وبكره تجينى عيونك ينتثر ماها

والله لصبر على الهجران لو طالى ... ازمه صغيره ولابد انتعداها

شفت الاماكـن كلهـــا ؟ بختصــرلك ... راشــد بكـل مافيــه ينطرك ولهـــان

من يوم رحت وحالتى ماتسرك ... ترحل كذا فجأه بلا سابق انذار

ترحل وتدرى وسط قلبى مقرك ... ترحل وتتركنى معرض للاخطار

قلى وش اللى جاك منى يضرك ... خلاك تجفا ومابنيناه ينهار

ابسألك بالله طيفى يمرك ... ولا مسحته من خيالك والافكار

لو تبتعد وتروح ماطاح قدرك ... خذها وعد منى فلا غيرك اختار

ودك تصدق كلمتى زيد هجرك ... شفنى وانا احبك على كثر الامرار

أشــواق قلبى والمشاعر تبرك ... بكتم على حبك ولابوح الاسرار

واللي بقى عقبك ولله درك... (صوره) وتبقى طول الايام تذكار

أمـر مـع شارعـه وأناظــر لبيتــه ... واروح وأرجع وهـذا اللـى يسلينـــي

الحب بلوه كبيره ماهـي صغيــره...كم واحد(ن) عاف حلو النوم بسبابه

يسامر الليل عينه دايم سهيره... يشكى فراق الحبايب مخطر صوابه

الحمد لله عطانا نعمه اكبيره ...نسيان لولاه تلقى الرجل بترابه

يالنيل انا قررت اسافر واجيلك ... مشتاق انا والله حيل لشواطيك

ياحلو سهراتك وجوك وليلك ... وبالذات شوفة صاحبي فى مراسيك

تكفى ياخالد طلبتك ضايق ٍ بالى ... ودى بشوفه ترى ساعه تكفيني

مخطور عقبه يصيب القلب زلزالي ... ويدمر الحال ويقطع شراييني

شف دوك جسمي عليل وناحل ٍ حالي ... والهم كله عقب فرقاه يطوينى

اذكر زمان ٍ مضالي مع هوى بالي ... وقت ٍ مضى راح مابينه ومابيني

جلست مع صاحبي والنيل يبرالي ... خلف السرايا واشاهد هلتون يميني

من يوم راحت خذت الاول مع التالي ... والله محد ٍ بعد خلي ملا عيني

بقولها حيل وارفع صوتي العالي ... مهما يطول الزمن حبه مكفيني