الحـظ ..


مرداه حظٍ شافها ولا كسبها
. . . . .ومقواه حظٍ ضمها فـ ليل قمرا
عذب القصايد نبض قلبي كتبها
. . . . .الله لا صـارت بحضـني وتقرا

أنتِ..


كنت داله في حياتي ولا علّـي
. . . . . . .لين جيتي وأنقلب وضعي وحالي

وطن غربة ..



أنا ذاك الخفوق اللي ما شعرتِ نبضه
. . . . . . وأنا ذاك البعـيد اللي ما سعيتي قربه
وأنا ذاك الغرام اللي لو عرفتي بعضه
. . . . . . ما كان صار العمر بعيونه وطن غربه

فديتك ..


هاتي أحزانـك وعمري لـك فـدى
. . . . . لأجل عينك لـ اقهر الوقت وجروحه
الوفـا مـوجـود لـه قـدر و مدى
. . . . . . وأنتِ قدرك شيّد وثبّت صروحـه
وأنـتِ لـك فكـرٍ إلى مـنه بدى
. . . . . . مثل نجمٍ لا بدى يشرح وضوحـه
شـاعرة عـذبه قوافـيـها نـدى
. . . . . . لين صارت للشعر نبضه وروحـه

جنة و نار



يـ أنك تجيني عاشقة
. . . . ولا تناديـني حبيـب
دامك لعمري سارقه
. . . . . ما ودي أبقى غريب

أحبك ..


أحبك .. كثر ما ينبض .. خفوقٍ صار مجنونك
. . . . . . . . أحبك .. كثر ما تسـهر .. عيونٍ تحلم بشوفك
أحبك .. كثر ما قلتي : حبيبي وقلت : يا عونك
. . . . . . . . أحبك .. كثر ما ودك.. أجيك وأحضن كفوفك
أحبك .. كثر ما ودي .. أوقف للحزن دونك
. . . . . . . . أحبك .. كثر ما ودك .. أجيك وأنزعه خوفك