الكلمه الي تجرحك خلها مثل السراب =الي توطاها وهي تروي ظمى اصحابها

وش ذنب حرفي يكتب الجرح فيني=ماعله إلا الجيم والراء و الحاء
مرات يبكي علي و مره يبكيني=ياليت حرف الجيم لي ينكتب فاء

ان جار صدك ويني و وين لقيآك=أخاف ترحل في زمانك بدوني
وأخاف همي أتعبك يوم وأشقاك=أبي لك الراحة ولو ضاق كوني
و ان جيت بتخيل حياتي بلياك=أشيع أفراحي وتثقل متوني
وأنسى حياتي بس لايمكن آنساك=الين في بطن الثرى يدفنوني

علمني إن اللي مضى حي ما مات=وعلمني إن الحي فيني فقيده
وعلمني في دمع النهاية بدايات=وسم الزهور اليانعات الشهيده
وعلمني إن الوقت ما فات لو فات=عزم القلوب اليا تمنت تعيده
وعلمني إن الحب فرحه وآهات=حزنً يطول وفيه لحظه سعيده
وعلمني إن الصبر نور المتاهات=وعلمني أقنع بالحياة الزهيده

رغم افتقادك وجرح الليل ماعفتك=رغم انك الهم في دنياي حبيته
سامح وصالي عسا مايوم كلفتك=لا صار شوفي تكاثرته و مليته

شحت سحابي وأشوفك جيتني عاني=وكن ظرفي وأحس بضيقة الكنه
ما أسقاك حظك وشفته راح ما أسقاني=يا ليتنا لو ثواني نرتوي منه
والليل أقبل حزين وبصمت ناداني=وأنا أبوحه غلا واسهره لين إنه
يقفي مع الصبح وتقفي معه قيفاني=ومعها جواب السؤال ولابها منه
ألي سرق قلب وينوي سرقة الثاني=يستغفر الله رب النار والجنة

صمتي وبوحي كلبوها سويه=تفضح خفايا خاطري عند الأجناب
إذا كتمت اتبان دمعه نديه=وإذا حكيت اتفك لأسراري أبواب

الله كتب لي مرُ عمري وحاليه=آمنت بـ الي كاملات صفاته
مثل البذر روحه على يد ساقيه=وارضً كواها القيض ميت نباته
ويـا بايع قلبي إلك حق ترميه=من دون ثمره كيف تسوى سماته
قلب(ن) همومه كل يومُ تبكيه=لا طاب وقته وروق البال جاته

حد(ن) يبكي على قلبي و نساني=و حد(ن) عيني بكته ولا نسيته
اشوف الحب يسقيني المراره =و انا الي من وفاء قلبي سقيته
خسارة يا العمر ذيك الليالي =شتاتك ضاع وضعت ولا لقيته
مثل من تاهت اقدامه وعينه =تشوف الوقت جار وهد بيته !!