نجم ..


جيت ابوجد لي مكان يليق بسمي
. . . . .لين أشوفه بالسحاب هناك يوضي
لين تشهد كل عيون الناس نجمي
. . . . .عن سما الإبداع ماتنزل حظوظي

جنون العشق . .



كلي عشقتك .. وأنتِ كلك عشقني
. . . . . . . .كلي ابيك .. وكلك انتِ تبيني
والخافق اللي بـ الغياب احترقني
. . . . . . . . موت احترقته لين صار بيديني

درس .. :)



كل ما قالت : أبي وصل وتلاقي
. . . . . غبت عنها .. وزادها الشوق احتراقي
لين تعرف .. لوعة البعد وعذابه
. . . . . ثم اعلمـها .. وش يعـني عنـاقي

انتظار..!



وده بقربي .. وأنا ودي .. بقربه
. . . . . .يبيني أبدا .. وأنا ابيه يبدى

والصمت طال ولابنا اللي جهر به
. . . . . .لين إن حاله مثل حالي تردى

ليه جيـتي..!؟


غبتي عني وما سألتك ..
ليه غبتي .؟

ليه جيتي.؟
وش بقالك في حياتي...
وأنتِ صرتي ذكرياتي..
ما نسيتي.؟


أرجعي من وين جيتي ..
دام بـ فراقي رضيتي ..
ولـ أبغى أعرف ليه جيتي.؟

أرجعي لله غيبي..
ماعاد باقي حب..!
ماعاد باقي درب..!
يا بنت يجمعنا ..

أفكر بك ..



أنا سهران افكر بك .. واكلم نفسي عن حبك
. . . . . وإلى من نامت عيوني .. بـ احلى طيف زرتيني
ترى كل اللي تمنيته .. اعيش العمر في قربك
. . . . . واسولف عن غرامي بك .. واقول انك اسرتيني

عناقيد الجروح ..

محلا بيوت الشعر .. رغم التناكيد
. . . . . . تروي ضما نفسي .. وتطرب وتسعد
يومٍ جروحي في خفوقي عناقيد
. . . . . . ما شلت هم الجرح . . ينزل ويصعد
واللي شرى خله عن الدرب مايحيد
. . . . . . حتى لو أنه بـ آخر الصين وَ أبـعد

كفاية هم ..



صعبه علينا تلتقي العين بالعين
. . . . . .أخاف يبدا الحب ومعه أغلقتنا
ماني بـ ناقص يصبح الهم همين
. . . . . .يوم الليالي بـ الهموم أغرقتنا

البدايه ..



هنا أبتـدت ولا هنـاك البدايـة
. . . . . .ماظن تفرق لا نويتـي جنونـي
للجرح يصبح في خفوقي نهايـة
. . . . . .وللحب تسهر مع عيونك عيوني

حزيـن ..


حزين ..
وحالتي تصعب..!!
على الداني ..
على الجاني..
على حتى العذول اللي :
تسبب في بعـد خلي.!!

حزين وآآهـ يا حزني ..
متى هالوقت ينصفني..!؟

حزين وضاقت أنفاسي ..
و..لا به قلـبٍ يواسي..!!

متى يا زمان تروف ..
بـ قلبٍ للهنا ملهووف ..

حزين ..!!
وحالتي تصعب..!!
على الداني ..
على الجاني..
على حتى العذول اللي :
تسبب في بعـد خلي.!!