|
http://gallery.johina.net/up/9432/1162252180.jpg
ضاقت الدنيا على القلب الرحيب ........ حتى عود الوقت / وقت وينثني العمر شمسٍ تهادى .. للمغيب ........ياغزير الشيب تكفى ردّني للزمن والناس والخلّ الحبيب ........ والنشاط اللّي هواه يهزّني ياغزير الشيب : هل حان المشيب ؟ ........ ماتحنّ بحال : شايب منحني ان غدى قلب المروّه .. قلب ذيب ........ من نحاس الناس .. يظهر معدني ! |
 هو يستحيل النوم من مقلة العين .......... او انّ غفوات القهر حسْب الامكان ! من يحبس احلامه ورى خاطري .. مين ؟ .......... ومن يطلق جنوني معه .. خلف قضبان ياليتني شدّيت حبل العنـ وين ــا .......... ولاصار لـ كتاب الغرابيل .. عنوان ! مثل الامل مبطي يمارس بي الطين .......... من فوّهة ثلجٍ يبي يغيظ .. بركان وش اصعب من السجن .. لولا المساجين .......... لاصار وسط السجن رجّال .. له شان |
 يادروبه واثرنا ظلما عروبه في خطاوينا ... للشوائب وجه داكن لكن اجمل في شحوبه ! للثرى : طارت ملامه شامخه تحت الاماكن ! مالقت حتّى قمامه فاضيه جنب المساكن ! وينها روح العروبه ؟ وينها روح العروبه ؟ واصلاً : اقصى شي نستنكر ونشجب في عذوبه ! يالهذا الليل قصّه مانتهت رغم البدايه باقيِ في الحلق غصّه والجروح اللّي بحشايه ! يالهذا الليل معنى .. ان حضر وان غاب .. معنا والمرايه .. ماتبالي .. لوتجيب وجيه منّا! هي كثير ... وقلّها فعلاً كثير .. هي كثير اقلّها : شوف الضرير اللّي في بالي ! هي فلسطين الضحيّه تنقتل وتعيش فيّه !! ماعليّه .. لوبكيت سنين .. والعين محجوبه ! راضي بدمع العروبه لو فلسطين مغصوبه !! |
http://gallery.johina.net/up/9432/1179685787.jpg
ماعاد لي قلبٍ حبيس النّور ......... يشتاق للهجران فـ غنايه بدا يجمّر صالي الديجور ......... لاصمّل الساري على رايه مرْني صباح وسنْبل وعصْفور ......... ولاحدٍ حكالي عنّي .. حكايه ! مـ اخترت اكون الخاطر المكسور ......... كانت وسيله برّرت .. غايه حتّى صباح القارب المهجور ......... قصّ البعيد .. اخباره الجايه ! سولف : ضباب وموعدٍ مهجور ......... لـ ضْفاف نهْـر وساحل منايه ياصاح : مادام الزمان يدور ......... لاتهت ؟ .. قبلك واحدٍ تايه !! |
http://gallery.johina.net/up/15895/1165479432.jpg
باب الزمن واقف على درفة مسافات الثواني ........... من قُربه : اشعر بالسنه .. عقرب ثرى .. تلدغ ثريّا ! عيني بعينك ياصبر : عنّيت رجلي في مكاني ........... وَصَلْت اراوح بيني وبينك / وخطواتي .. هنيّا ياليتني لاشبْت ماشيّب ولي بعض الاماني ........... لاقلّوا الاحباب من زوّادة القلب .. اتـّـــهيـّـا ! ناديت باصوات السنين السود : جدران المباني ........... ماردّ طين الراحلين .... وحاجتي تملا يديّا خلّوني اعيش بزمانٍ جاهلي .. ماهو زماني ........... كلْ مازهمت الجرح في حاجة سؤالي قال : هيّا ! برحل مع الذكرى .. سفير احلام .. متغرّب عشاني ........... وان جبت للحلم المقفّي ( حلم ) ثاني منه : عيّا !! مال الزمن .. غيري زمن .. والعمر ماسدّ بمكاني ........... ان غبت لاتبكين : ياعيني عليّه / هي جفيّا !! |
اكثر جميل العمر للموت ناكر
............. بالٍ طويلٍ ماتحدّه سماوات يمكن .. ضحى مكسوف من شمس باكر ............. ويمكن قصيدة شاعرٍ .. وقتها / فات ! هوّ الوفاء ..بين الزمن سيل حاكر ............. ولاّ السحاب المرتوي .. يرعد .. سكات رحله ... حقيقه تفتقد للتذاكر ............. وابسط من احساس المُعافى / بالاوقات ساكت زهر والحكي .. معسول .. ماكر ............. من للقلوب وصادق النحل .. شمّات ؟ ممنون باقي من جحود امس ... شاكر ............... رغم الطريق وزلّة ارض المسافات باقي عبث .. يحمي عرين العساكر ............... واقدام تحذيرٍ على درب الافلات هذا انا تلميذ وقتٍ مذاكر ............... حمله قبل حلمه يباعد ... عن الذات انسان منسي راح مازال فاكر ............. كلّ التفاصيل الدقيقه ... ولو مات !! |
http://gallery.johina.net/up/9432/1157246154.jpg
الوجوه : اللّي مع اطراف السكوت .. ماتلتقي في رحلة الجايين .. صوت ! بالرايحين بناس مامعهم دليل واللّي مع الجرّه تتوه ! من هو دعاها لاتموت ؟ في قمّة غناها .. وهي في ذمّة الكهف بـ تسير .. ولا احدٍ جاها ! ينقذ الباقي من الظلّ .. ويطير تحت عيون الكلّ .. واجفان النهار لا ماعلى خلّك ملام .. المساء : يخطف من احلامه .. نهار ! ماهو نهار اليوم / يوم ( اكهف ) منام !! واحلام تتشقّق عليك .. تستنطقك صوتٍ يبيك ! ماهو انا : اكيد .. اكيد .. ماهو انا او انت ! او حتّى يديك ! هذا إهو : وجه النهار اللّي غدى بين الوجوه ... ماعلّموه : ان الصدى ... ماهو على خُبْر السنين مخفي : مثل ذكرى / ورى الذكرى يبين ! لاهو رجع صوته مع الايام / صوت ولاهو نسى كلّ الوجوه اللّي على باله تموت |
ياصاحب الظلّ الطويل ............ شمس الطريق مطوّله ! تعطيك من دربك .. قليل ............ وخطواتها .. متسوّله مـ اشفق عليك الليل .. ليل ............ من نفسك المتحوّله مرحلك .. توبير النخيل ............ وآخرك ماراح اوّله من علّم البارح .. يحِيل ............ بين الضلوع معوِلّه ؟ يكسر سنا الضلع الصقيل ............ ويشبّ فكرٍ لي .. وله ! انت .. انت مع نفسك خليل ............ تطمين نفس مهوّله ياذا القريب المستحيل ............ في روحي المتجوّله مالي بدل شعري بديل ............ وابيات ماهي مقوّله ماكنت عن عمري بخيل ............ يمنى الكريم تنوّله ان جيتني .. راعي جميل ............ ماخاب راع الاوله وان جيت .. من حالك .. ثقيل ............ في غيّ نفس مموّله اصرخ .. يطاولك العويل ! ............ ولاطحت منه .. ارق .. اوّله ! |
قوم انطفي ضَـوح ! لو .. نادى من الطور .. احبابك .. اللي رحلوا للنور .. من عام ! وانا بـ ... اروح ! انتظر في دربك البور .. كلّي امل .. في الامل لوّ ارجع عظام ! ماهو مهم ... المهم .. استجمع الهام .. في روح عيّت تغيب بداخل الروح ! دُخّان ... دُخّان .. دٌخّان .. دُخّان يتصاعد من الغيم ! ماهو قديم .. اشتعل في خاطري بوح ! سؤال يبقى مقيم / بظلّ منفاي لاهوى في بالي سديم / ولابدى راي ! ( عانه ) هنا ( عانه ) هنا يرقص مع البال / دانه لو راح تشعر مكانه .. بين الابيات خذها قصيد وجديد العين مابات ! لاتموت في راحتي .. مافي يدي روح تحت الغضب ترتفع اسراب .. الـ ايدين ! دُخّــــــــــ ن ـــــــــا يطلق يدين النور وتفوح !! ! تفوح تفوح تفوح |
ياربّ كلّ الليال .. اوراق مسودّه ................ غُبّـة سطر , والقلم : مقري [ قرا ] كاتب !! وامسٍ فهق شمس [ مطويّه ] على يدّه ................ ماراح نَـفْـرَة عزيزٍ [ ذلّ ] متجاذب ارخى عديل السهر [ وسمه ] على خدّه ................ وصدّق عليه اعتراف الماضي .. الكاذب بعد النهايه [ وصلت ] فـ اول المدّه ................ مدري [ بديت ] السلام ,, بـ راحة محارب ! حبيبتي : [ ربّة الياقوت ] .. واللدّه ................ [ ياقارئة وجهي ] المُكتظّ .. بـ معاتب ! جيت فـ عيونك [ رخاء ] في ساعة الشدّه ................ ورجعت : مدري من اكثر ,, [ من رجع خايب ] جزر مماج الغرام وهاج بي ,, مدّه ................ وابحرت مثل الزمان في يومي ,, الهارب ! يابحر .. ناقص ضميري .. زود عن حدّه ................ لاتنقتل في عيوني .. واكسر القارب !! في ذمّتك : ماانت [ لجّي ] يابحر جدّه ................ ضحكت منّي ,, ولامك دمعي الغاضب ! مادام صدّيت والصدّه هي الصدّه ................ القلب : [ قلب الذنوب ] ,, بـ قلبي التايب ! وان كان يابحر : فيك من العنا [ شَدّه ] ................ معزّبة جرحي : قامت معي بالواجب !! |
| الساعة الآن 09:09 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها