شفت السماء وشلون في ليلة اليوم=لا نـادت القمرا و لا ودعـتها
وشفت الهموم شلون تكتبني هموم=اخاف اواجـهها وهي زودتـها
هذا وغير اللي سطا القلب مكتوم=تـتـنهد بروحي وهـي كاتمتها
الحال حال الي على الهم معزوم=من شايبً قلط هـدايا نستها
اشرب من الفنجال وأشواقي علوم=واقدع من الذكرى على سالفتها
إن قمت لا والله فضيحه من القوم=وإذا جلست اطعون قلبي رثتها
ماحس بالفرحة سوى لحظه بيوم=لا قلت روحي بالرضا سامحتها

وجهة صباحي هالمكان وضميته = لنّي فقدت إحساس نفسي بنفسي
الضيق يطوي ضحكتي ما قويته = لا تسألوني وش هي اسباب تعسي
يكفيني أروى فيض حرفٍ قريته= واصبّح أرواحٍ بالابداع ترسي

مانام ليل اليآس .. صاحي عشاني = لبّس سواده وجه كل المعاني
عامين وآنا كل ليله اعاني = واسهره وحدي .. وانا عازف الناي

لو تسألين الليل منهو يسهّرك = تلقيني اللي سهّر الليل حَرفه
شاعر وأدري في حروفي أجمهرك = واجمهر اللي ما غفى الليل طَرفه
وان كانني مع كل هذا فلا ابهرك= ابعتبر ما قيل يا بنت طُرفه
ياعُمْر وان كان السهر قيل قصّرك = قل السهر يفتح للابداع شُرفه

دام عظم الأجر من عظم المصيبه = والله إني ياالمصايب ماعليّه
ليّ دين وليّ ربٍ وألتجيبه=واشرب اللوعات شرب الشاذليّه
مؤمنه والعمر ساعاته قريبه= تنتهي مابين روحاتٍ وجيّه
وإن غدى نومي لما جاني ضريبه=سقت عيني للسهر ياحي حيّه
لو غزير الدمع يحرقني لهيبه=ضحكتي تبقى بثغر الوجه حيّه