يا نفس ..

[سحايب العازمي]

السلام عليكم ورحمة والله وبركاته
عذراً للغياب .. وهذه أبيات متواضعة للتواصل معاكم



يا نفس : دامنِّـك عَليَّـه تمونيـن = تمهَّلي يا نفس وإخـذي وصاتـي
يا نفس : لو نَدرس حقوق وقوانين = العِلـم للـي كَــوَّن الكاينـاتـي
يا نفس : رُوفي وإحذري لاتِمَنِّيـن = بعض المُنىَ يا نفس ياذي لِذاتـي
يا نفس : لا تشكين لَـوِّك تِعانيـن = وأدري ترى صبرك يجمِّل صفاتـي
يا نفس : حَذَّرتـك أنا لا تَرَجِّيـن = إلا لِــرب ٍ عـالـم الخافيـاتـي
يا نفس : تُوبي وإقنعـي لا تَعَدِّيـن = وهذا من الدِّنيـا رجـاي ومُناتـي
يا نفس : أنا أعرفك عسى ما تِماديـن = وأنا أفهمك لو كـان يكثـر سكاتـي
يا نفس : أنا ما أمشي على ما تودِّين = في معصية مثلك طريـق لنجاتـي
يا نفس : يا ليتك لمثلـي تراعيـن = ولا أبي منك يا نفس تكثر شماتـي
يا نفس : رَبِّيتك على العز والدِّيـن = إمشي بهم يا نفس تسعـد حياتـي
يا نفس : لك لحظات فيها تعيشيـن = ولا بُـدّ من بعـد الحيـاة المماتـي
يا نفس : لي دعوه عسـاكِ تلبِّيـن = لا تفَكِّري باللي مضىَ لك وفاتـي
يا نفس : لا حَسِّيتي إنِّك تضيقين = تِضَرِّعـي لله بـعـزم وثبـاتـي
يا نفس : ناجيتك وقلت إسمعي زين = مابـي متاهـات ٍ تكـدِّر مباتـي
يا نفس : أنا بنطركِ حتـى تردِّيـن = وأدعي لك التوفيق حتى بصلاتـي

تم نشر هذا النص بمجلة أنهار الالكترونية التفاصيل على هذا الرابط
http://www.anhaar.com/arabic/index.php/permalink/6954.html

[عبد العزيز الجرّاح]

سحايب ،
أهلًا بك وهذا النص الذي كان حديث النفس للنفس
لقد كانت الحكمة حاضرة ، والشعر كذلك ..

شكرًا كثيرًا ..

[إيمان بنت عبد الله]

مرحبًا بكِ يا سحائبَ الخير


إيمانيةٌ تفيضُ عذوبةً و نقاء


لروحكِ روحٌ و ريحان



/


إيمَان

[برهان المناصير]

صح نبضكم يا أخية وقفة رائعة مع النفس

[هواجس الذبياني]

سحايب هطول أخذ طابع الأوامر
أدام الله رذاذ حرفك يا سحايب

[مطر حامد]

سحايب

إنسكاب جميل .. يروي الذائقه

شكراً لكِ هذا الجمال