حنانيــ .. آت !

[عبد العزيز الجرّاح]

ما خذاني منْك إلا .. حاجتين :
"طيفك" اللي من حضنته .. نام بعيوني .. وخايف لو صحيت
ترمش أهدابي ويصحى !

و"حبك" اللي من نبضته.!
صرت احس اني بدوني .. من كثر منتي "معاااااي" .. وقلت :
يا تحنان مرحى ! :)

[عبد العزيز الجرّاح]

تقول : تذبح
وانا اقول : موتي..!
الغصن غصني
وّذا التوت توتي ..
بـ آتفيا الغصن .. واقطف ما تهيا..!
واليا شهقتي
وّذا حال صوتي ..
مرّي بصدري
مع انفاسي وفوتي ..
ومن اهنيا :Heart:
قولي أحبك .. وانا اقول : موتي..!

[عبد العزيز الجرّاح]

إنتِ لوني ،
وكل لونٍ تلبسينه ..
صار لوني
وصرت أحبّه يا عيوني ..
ولو أقول :
إنك جنوني لو نفوني
أدري إنك تعشقيني
وتكرهين العمر دوني
وانتي لوني
وأدري إنك تشعريني
من عيوني ..

[عبد العزيز الجرّاح]

اليآسـ/مييين.؟
لجل يسكن .. في حنايا الياسمين .!

[عبد العزيز الجرّاح]

من غلاك احس بـ.اني عايشٍ بـ.الفين روح !=وكل روحٍ في ضلوعي تعشقك و تمووت فيك
وانت لو تطعن خفوقي وفيني تذبح روح ، روح !=والله اني ما شكيتك ، لين والله آمووووت فيك

[عبد العزيز الجرّاح]

ضاع الكلام ..
وانا في وسط صدري
زحاام ..
شعر و احساس وغرام ..
وشلون ضيّعت الكلام .!؟

ودّي أقول :
اشتقتلك ، واحتجت لك ،
والشوووق لو مايقتلك ،
عاهدت نفسي م.اخذلك ..

يا وارفه ،
يا ليــت نظره خاطفه ،
أشواق قلبي عاصفه ،
عذري جنون العاطفه ..

احتااج ــلك دايم معي ،
وانتِ هناي و مدمعي ،
وشوفك ،
رضـاااي و مطمعي ..


حبيبتي ..




الله كتب لك في خفوقي "غلا"= يجري بدمي مع نبـضي يجيش
والله زرعلك في شفاتي "هلا"= إحساسـها كنه مثل ملمس الريش
والله جعلّك في ضلوعي "فلا"= صُبّي جنونك وانثري بعده الطيش
وعيشي حياتك وأبشري عندي "ولا"=الله على حبك ، كتب لي آعيـش

[عبد العزيز الجرّاح]

من عشقتك .. صارت افعالي .. مضارع =وكل ماضي .. قبل اعرفك .. ما ذكرته !
من عشقتك .. اشعر اني .. صرت بارع=واشعر اللي .. قبل احبك .. ما شعرته !
لا غفيتي .. انطفت كل .. الشوارع=ونامت القمرا.. وانا ليلي .. سهرته !
ولا صحيتي .. ينبثق فجر .. المزارع=ويزهر الرمان .. لو غصنه .. كسرته !

[عبد العزيز الجرّاح]

ما غاب طيفك لو تغيب حروفك=ما غاب صوتك لو نسيت ارقامي
صحيح صوتك ما يعوّض شوفك=لكن غيابك يستثير الهامي
والحين روّح دامني في جوفك=أدري بأني في خفوقٍ سامي
وانا لعلمك ما نويت آعوفك=حبك بدمي يا غناة ايامي
دايم أراعي يا حبيبي ظروفك=لو ان ظرفك يبتدي بآلامي
وانا جروحي من طعون سيوفك=ياويل جرحٍ في خفوقي دامي
جعل السعادة ياحبيبي تحوفك=وانا لي الله يا غرام احلامي
وان كان رحت ولوحت لي كفوفك=صوتك بقلبي لو نسيت ارقامي

[عبد العزيز الجرّاح]

خفوقي أزفر همومك .. "تنفس" .. من "أمل" بكره
. . . . . . باكر صُبحنا يشرق .. "يغرّد" في الصدر .. "عصفور"
خفوقي " هالحياااه اجمل " .. من انك تحزن وتكره
. . . . . . ترى قبل الظلام .. "النور"، ترى بعد الظلام .. "النور"

[عبد العزيز الجرّاح]

ورب الناس ،
أمانه يا بعد هالناس ..
إذا جا للخيانة كاس ..!
هنا لازم تدق اجراس ..
في قلبك :
وفا نبضك .. وفا حبـك..
في روحك :
وفا بوحك .. وفا جروحك..
وكثير اشيااء في ذاتك ..
مع مرآآتك ..
ويتكسّر : على إحساس.؟
انا له لو تخون الناس ..!
عشقٍ ما وصله قياس ،
لين تموت بي الأنفاس ..
ورب الناس ..

[عبد العزيز الجرّاح]

،
،
تعلّق فيك ،
مثل طفلٍ .. تعلّق في مراجيحه ..
تعلّق فيك ..
سقط منها.. وكانت موجعة الطيحه !
ونسى يبكيك !
تعلّق فيك ..!

[عبد العزيز الجرّاح]

مامن في السهر شي ٍ،
سوى طيفك يناجيني .!
لامن غيّبت صوتك .. ظرووفٍ ما تخليني .!
تزرع فـ الصدر آهٍ .!
توجعـني وتشقيني .!
ولا به غيرك فـ بالي.. وانا والله بـ لحالي .!
ياكود معاي جوالي .!
أطالع شاشته ودي ..
"حلم عمري" تكلمني .. حنان وحب تغمرني ..
وتلهمني ،
قصايد حب تكتبني .. غرام وعشق تسكبني ..
وتشربني ،
حنانٍ لا بغت تعرف .. غلاها فـ قلب عاشقها..
تجي تقراه بـ شفاتي ، في وجهي وفي عيني ..

[عبد العزيز الجرّاح]

يسعد مسا روحك .. وهيبة عيونك = ويسعد مسا قلبٍ ..على الخير يغتاب
ياشين وقتٍ .. لا سهرته بـ دونك= ويا ثقل دم الليل .. كانه بلا أحباب

[عبد العزيز الجرّاح]

قربيني لين أنفاسي .. مع أنفاسك تذوب =وأشربك لي حلم عمر .. وتشربيني لك حياه
قربيني لين همك .. يا غلا عمري يتوب=ولك ابهدي .. كل حبي .. لك ابهديني معاه

[عبد العزيز الجرّاح]

احتاج ـني شاعر..
إلى ضاق صدري .!

[عبد العزيز الجرّاح]

من سنين
وخافقي نبضه مواجع ..
من سنين
وهالحزن عيّا يوادع ..
من سنين
وليلتي هم ومدامع ..
من سنين
وكل ليلٍ مر بعيوني حزين .. آه ياطول السنين ...

[عبد العزيز الجرّاح]

من سنين
والسهر وحروف شعري والورق
يشكن عذابك ..

من سنين
وَ كل عرقٍ في خفوقي يكتوي ..
بحرقة غيابك ..

من سنين
وَ كل وقتٍ مر .. في عمري ..
ياعمري حكابك ..

وكل صبحٍ مر بعيوني حزين .. آه ياطول السنين ..

[عبد العزيز الجرّاح]

من سنين
وأنتِ وصلك .. أمنية وحلم وطموح ..

من سنين
وأنتِ فيـني .. تعشقك ألفين روح ..

من سنين
يا كثر مابي .. بس مااقدر أبوح ..

من سنين
وكل صوتٍ مر في صدري أنين .. آه ياطول السنين !

[عبد العزيز الجرّاح]

من سنين
وكل ليلة فيك أسولف وآتساءل؟

لي متى وأنتِ بعيدة، ما تجين؟!
يا نبض قلبي، ويا حلم السنين
ودي اشووفك يا حبيبه تقربين

مو حرام آعيش كل وقتي حزين .. آه يا طول السنين !

[عبد العزيز الجرّاح]

من سنين
وكل ليله في عيوني يمر طيفك .. وآتفاءل ..
إنو باكر ترجعين ..

واروي فيك عروق قلبي ،
وآتنفس ياسمين ..

واكتب بوصلك قصايد ،
من بعد غربة سنين ..

وكل يوم يمر في قربك يزين .. آه ياطول السنين !

[عبد العزيز الجرّاح]

من سنين
كنت أوصيها عيوني .. مثل قلبي ما تخونك
صح ما شافت عيونك ..

بس والله في غيابك .. كنت أوصيها تصونك
لو أعيش العمر دونك ..

من سنين
وكل حسنٍ مر بعيوني يشين .. آه ياطول السنين !

[عبد العزيز الجرّاح]

من سنين
وانتِ فيني تكبرين .. حب واشواق وحنين

من سنين
وانتِ فيني تسكنين .. ولين أموتك تسكنين

من سنين
ودي أنك تشعرين .. ولا شعرتي تقبلـين

وكل يوم يمر في قربك يزين .. آه ياحلم السنين

[عبد العزيز الجرّاح]

كل ليـل يمر من دونك عتـيم = وكل صبحٍ ما يجيبك لي حزين
ياعظيمة صرت في حبك عظيم= قبل " احبك " مالها طعم السنين

[عبد العزيز الجرّاح]

العيـون اللي فبحرها .. ما يشابها سوى
البحر العميق :
العيون اللي خفق قلبي .. من رأتها العين
وشعوري تحيّر!


كنت داله في حياتي .. خوف لا أصبح ..
غـريـق :
لين جيتي .. وانقلب وضعي وحـالي ..
وأنا كلّي تغيّر .!


مدري أبعد عنك وأشقى؟ .. مدري اقرُب
وأشعل بقلبي حريق؟ :
مدري أسأل قلبك اللي.. من لقيـتك ..
مدري وش ناوي ايتخيّر؟

[عبد العزيز الجرّاح]

نام وتطمن .. واترك العين .. تسهر = طرفي تعوّد .. ما يبات .. الليالي
لاصرت الأول .. في خفوقي .. والاشهر=عيني عشانك .. تنعمي .. ماتبالي
يعني بعيني .. أجمل الناس .. وأطهر=يعني بروحي .. سيّدي .. وراس مالي
في خافقي من الحب .. تجري لك أنهر=وفي داخلي من الشوق .. شوقٍ خيالي
يوم ان حبي .. اكتبه شعر ... واجهر= واقول : أحبك .. حب .. عذبٍ زلالي
بعض الأماني .. تنحجب .. صعب تظهر=وبعض الأماني .. صعب معها .. احتمالي
لكن ابسهر .. وارسمك .. صبح مُبهر=واتنفسك عطرٍ .. نشى فيه .. حالي
نام وتطمن .. واترك العين .. تسهر=عيني عشانك .. تنعمي .. ما تبالي

[عبد العزيز الجرّاح]

أنت الصباح .. وضحكته .. وابتهاجه =لا صار جاني منك .. شي ٍ رضيته
واكتبك شعرٍ .. منْك ، فيك .. انتهاجه= لولا وجودك .. يا حبيبي .. جفيته
مدري ولكن : كيف لوّ انتواجه ؟! = الظاهر ان العمر .. قبلك بكيته

[عبد العزيز الجرّاح]

يسعد صباح اللي .. خذتني من اقصاي= الجادل اللي صعب أوصّف غلاها
هي نبض قلبي .. حلم عمري ودنياي = وأنا الحبيب اللي فهم محتواها
طفلة لها هيبه .. وتسكن حناياي = الفكر كبّرها .. وزوّد حلاها

[عبد العزيز الجرّاح]

كيف أنام؟ وصوتك أنتِ ما سمعته !!= كيف أنام؟ وسحر صوتك يعتريني !!
كيف أنام؟ وكل شوقي لك جمعته !!= كيف أنام؟ وكل هذا الشوق فيني !!

[عبد العزيز الجرّاح]

قبل ما يشرق صباحك .. وأنبثق للعيـن نـوره=كن همي ينسج خيـوط الظـلام .. ولا نسانـي
ويوم جيتي يا صباح الحب .. يا روعة حضـوره=أمطرت غيمة "حنانك " .. وأروت عروق المحاني
وأورقت أغصان عمر ٍ .. ذابله قبلـك زهـوره=وابتدى مشوار " حلم العمر " .. يـا درّ الأمانـي

[عبد العزيز الجرّاح]

يا هلا بالشعر .. وأنتِ يا هلا بـك=من بعد جيتي .. وتهتاض القريحه
العمر بحسبه .. مع جيّة جنابـك=والسنين الأوّلى ماهـي صحيحـه
لا تخليني .. ترى مَ.أقوى غيابك=ثم تصير الروح يا روحي جريحه
بللينـي .. لا تشحيـن بسحابـك=القلوب العاشقه ماهـي شحيحـه
قربيني .. علّنـي فـدوة شبابـك=علّني ماذوق بعـدك يـا مليحـه
والخفوق إن كان والله م.اهتنابـك=ضاقت بعينـي دنيـاي الفسيحـه

[عبد العزيز الجرّاح]

مجنونة الروح .. روحك ليه تسرقني = ليه الثواني بدونك مالها داعي
ما أجمل العمر يومه فيك يحرقني = أنسى همومي وحزن القلب وأوجاعي

[عبد العزيز الجرّاح]

يا لاهية عني .. وأنا فيك مشغول = هدّي بعض شوقي .. لو هو برساله
والله فيني شوق .. ماهو بمعقول = يمكن يفوق أشواق .. أب لعياله
اللي له سنينٍ .. سجينٍ ومعزول = من بعد عشر سنين .. فكوا حباله
يوم سجنوه بجرم .. غامض ومجهول = تخيّلي بالله .. يا ويش حاله ؟!

[عبد العزيز الجرّاح]

من يشبهني،
و أنت تكتبينَ من دمي : قصيدةَ حبّ
فأتساقطُ لكِ
قطرةً ، قطرةً
حتى تكتمل القصيدة.

[عبد العزيز الجرّاح]

من يشبهني،
وأنتِ تزرعينَ في صدري : سنابل غيابك
فأبتسمُ،
و أمضي في مساحة حزن تشبه انتظااارك ..

[عبد العزيز الجرّاح]

من يشبهني،
وأنتِ تسكنينَ بين النبضِ والنبض ..
أشتاق إليكِ،
أرددُها،
يورقُ من ابتسامتكِ حديثُ الزهرِ ..

[عبد العزيز الجرّاح]

من يشبهني،
و أنتِ تحضرينَ كـ حلمٍ أبيضَ ..
ياسمينةَ روحٍ
أتنفسها عطرًا
أضمها في حنايا الروحِ
"أمنية".

[عبد العزيز الجرّاح]

نامي،
يـ ارق وأجمل أحلامي
مَ. دامي عاشـقك نامي
وخليـني مع آلااامـي ...
ولا بشكي ،
ولا بحكي ،
ولكن بنثر أوجاعي
حرفي للحزن واعي
لأنك مصدر إبداعي ...


نامي،
يـ ارق وأجمل أحلامي
مَ. دامي عاشـقك نامي
وخليـني مع آلااامـي ...

وأنا بسهر ،
وأنا بصبر ،
وإلى من فقتي و رقتي
وشعرتي انك اشتقتي ..
أنا كلي هنا واقف
أقول :
أرجوك مَ. يخالف
لأني ما دريت انك
صحيتي وجيت لك آسف
أنا آسف ..

[عبد العزيز الجرّاح]

الله يبارك يا غناتي بيومك = ويسعد خفوقك في كثر نبضاته
واللـه يجلي يا غلاتي همومك = حظك يقوم وتنتهي عثراته
فاقدك لكن مشغلتني علومك = أكثر دقايق يومي وساعاته
عسى قوية يا حبيبه عزومك = م.أبغى خفوقك يمتلي بآهاته
وان كان عني غيّبتك غيومك = قلبي وصالك يحتري قطراته
من زود شوقي ياهواي الومك = ليتك تشوفي بالخفوق سواته
واللـه احبك واسأليها نجومك = دايم أسولف للسما ونجماته
وما دام سلمي وافقته اسلومك = الله يبارك بالهوى وخطواته

[عبد العزيز الجرّاح]

ما يموت الحلم .. دام القلب ينبض .. في غرامك .. يا غرام الوايلي = ولا تجنَّب من دروب الوصل دربٍ .. ياخذ ايديني .. ويشعرك بدفاها
لين ما يصبح حقيقه .. حلمنا اللي به حلمنا .. يا حناني يا هلي = وافتخر بك لين راسي .. يطرف أهداب السحاب .. وينتثر ماها

[عبد العزيز الجرّاح]

ملح يومي يا صباحاتي صباحك = والله ان آمووت بـ.اشراقة صباحي
ينشرح صدري إلى شفت انشراحك = ضحكتك تفتح آفاق انشراحي

[عبد العزيز الجرّاح]

لو يخون البحر ملحه والنوارس = والطيور يخونها الغصن وليانه
والأصايل دوم تكبو بالفوارس =والعزيز يعود ما يلقا مكانه
والله أنك سيّدي للقلب حارس = عاد لااوصيك في حفظ الأمانه
وكان ودك في جنون الحب مارس= نشوة المجنون في روعة جنانه

[عبد العزيز الجرّاح]

يا عطر ..
ورد الياسمين
يـ اطهر ..
قلوب العاشقين ..

بالله ،
مثلي تسهرين؟
تكتبين و تمسحين؟

بالله،
فيني تشعرين ..؟
وش كثر ودي ..
تقربين ...
من شاعر الصبح
الحزين ..

[عبد العزيز الجرّاح]

قرّب مدام اللي مضى حي ما مات =أزرعك في صدري وانا القلب بيتك
يعني نعيش الجاي عن كل مافات=صعبه اعيـش العمر دونك فديتك

[عبد العزيز الجرّاح]

يا روعة "أول عيد" .. يجمع هوانـا =صباحه أجمل من صباحات الاطفال
من زود سعدي كن محدٍ سوانـا =عيّد ياروحي بـ.اول ايام شـوال
العيد هذا من السعـادة عطانـا=عيدٍ سعيدٍ كله اشـواق وآمـال
والعيد الآخر فيـه "فرحـة لقانـا"=ماهي مثل فرحة سواليف جـوال

[عبد العزيز الجرّاح]

مد كفّك ،
لا ترد الما وأضمى !
مد كفّك ،
دونك الخفّاق أعمى !


مد كفّك ،
قرّب الحلم البعيد ..
مد كفّك ،
نكسر الحظ العنيد ..


مد صوتك ،
خلني أسمع صدااااه ..
دون صوتك ،
مالها طعم الحياااااه ..


هذا كفّي ،
هذا كفّي ،
هذا كفّي ،
يشتهي لمسة يديك ..
هذا حرفي ،
يبتدي منّك وفيك ..


مد كفّك ،
نرقى ياخلي سمااا
مد كفّك ،
نهجره عالم دُمى



مد كفّك ،
لا ترد الما وأضمى !
مد كفّك ،
دونك الخفّاق أعمى !


دونك الخفّاق أعمى !


دونك الخفّاق أعمى !

[عبد العزيز الجرّاح]

وينك ؟!
تغيب ولا قضى دينك ؟!

وينك ؟!
عهودٍ بيني و بينك !!

[عبد العزيز الجرّاح]

لو يطول الصمت وايام انتظاري = عهدٍ علي والله م.انسى صباحك
البعد ياعمري فلا غيّر مساري = راضي مدامٍ ف.البعاد ارتياحك
حتى لو انه فيه كل انكساري= عادي وربي دام يعني نجاحك
أحيان أشعر يا غلا ب.احتضاري = لكن تناسي لا يضيق انشراحك
مبسوط دامٍ فيك يبدا نهاري = وأقول : أحبك .. يسعد الله صباحك

[عبد العزيز الجرّاح]

( ما يشبهك..إلا أنـا )
حتى المواجع والعنا
كل شي فينا يتشابه
حتى بحروف الكتابه

حتى الحزن ..
اللي كتـب خطواتنا
حتى الشجن ..
اللي سكن باصواتنا

ما يشبهك إلا أنـا
حتى المواجع والعنا



ياعشق قلبي ونبضه
يا قدر عمري و حظـه
وين كنتِ..؟
عن حياتي من زمن عدا وراح
وين كنتِ..؟
عن حبيبك ياشفا كل الجراح

ليه الفرح توّه يحس ..
فيني يحس ؟!
وكل عرقٍ في خفوقي ..
مات ويبس ؟!
لين ما حبك تبادى
وامتلك قلبي وساده
يا زهرة الحب التقينا
ومن محبّتنا ارتوينا
ولو تفارقنا نموووووت !!

نموووت ..

نموت ..

[عبد العزيز الجرّاح]

ودي أضمك في عيوني وانامي=دام بعيوني آمني لا تخافين
أعوام ادوّر على مثلك غرامي=واعوام مثلي بـ البشر ما تلاقين
عاشق وشايف في عيونك مقامي=شاعر وصرتي في قصيدي عناوين

[عبد العزيز الجرّاح]

لا تحسبين القلب هجرك يهابه = قلبي واخبره ما يهاب التجافي
غيبي وقلبي لا يهمك صوابه = ياللي غيابك على قلبي عوافي
غيبي وباكر تمتلّك الكآبه = ثمٍ تجيني تطلبين التصافي
لنّه غرامي مثل عشق الكتابه= منهو عشقها ما يعاف القوافي
لنّي وربي فيك مغرم صبابه= لنّي أحبك حب عذبٍ وصافي
لني غرامك يا هتون السحابه = لني ضماك وفيك عذب ارتشافي
لني كما صدر الفضا بالرحابه= وطبعي على درب الهوى دوم وافي
أنا السؤال المستحيل يتشابه= وأنا الجواب المستحيل اختلافي

[عبد العزيز الجرّاح]

نام ،
نام ،
وخله إحساسك ينام
وخلها عيوونك تنام
نام ،
نام ،
مو جديد .. عادتك قبلي ... تنام
مو جديد .. توقد إحساسي وتنام
مو حرام ..
نام ،
نام ،
وخلني للضيق والحزن وعناي
وللسهر والهم والليل الطويل
وكل هذا مو حرام !
نام ،
نام ،
مو ضروري تسهر عيونك معاي
وانت تدري مالك بقلبي ...بديل
أي حبيبي مو حرام !
نام ،
نام ،
مو جديد .. تاقف أنفاسي بصدري
وأنت تدري !!
مو جديد .. أزفر انفاسـي بصبري
وانت عذري !!
وانت صدّق مو حرام !
نام ،
نام ،
عادة إحساسك ينام
وعادتي أحلم م.انام
نام ،
نام ،

[عبد العزيز الجرّاح]

أنت ياللي صباحك وردتين وقصيد = وشاعرٍ من ضلوعه لك يطيّر حمام
سرب يوقف بدينك يالقريب البعيد= لك هديله مشاعر مع سلام وغرام
وسربٍ آخر يمثّل دور ساعي البريد= منْك ياخذ علومك يا خصيم الظلام

[عبد العزيز الجرّاح]

انتي معي من دون لاخذك وياي = وآنا معك لو كان وحدك بقيتي
يكفيني ابدى فيك صبحي وممساي = ويكفيك شمعه في حياتي ضويتي

[عبد العزيز الجرّاح]

يا صبحك اللي ابتدي به جديدي = لاسترسلت أنفاس صدري تعابير
يورق على أغصان صبحك قصيدي = لين ان من صبحك تغار العصافير

[عبد العزيز الجرّاح]

أشعر معاك الغيم كنّي لمسته = كنّي أنا وياك فوق السحابه
يا صوتك اللي في عروقي حبسته = يالله عسى ماعيش لحظة غيابه
اللي بصدري ياغرامي غرسته = واهديتلك بستان عشق الصبابه
والخاطر اللي في غيابك عمسته = تو انشرح وانزاح هم الكتابه

[عبد العزيز الجرّاح]

نامي على إحساس .. قلبٍ يحبّك = واصحي على إحساس .. عاشق جنونك
مدري علام الليل .. دايم يسبّك؟! = يمكن عشان الصبح .. نام بعيونك.!

[عبد العزيز الجرّاح]

كــل يــوم راسلـنـي .. عـلــى أوّل الـصـبـح=من قال فيها ازعاج.؟! وصلك ضروري
والله لـــو بـدلــت .. حــرفــك مــــع الــرمــح=لااقــول رمـحـك .. مــن دواعــي ســروري

[عبد العزيز الجرّاح]

جيت ارسم البسمة على شفتينك = وامسح دموعٍ من عيونك تناثر
وازرعك في صدري واعوّض سنينك = ويقوم حظٍ بالهوى كان عاثر
واهدره دمي لجل لحظة حنينك = ما عاد تفرق كان عمري تداثر
ليتك قريبه كان أقبل يدينك= وحبك بقلبي كل دقه يتكاثر

[عبد العزيز الجرّاح]

واتنفسك عطر .. ان تبخّر .. تبخّرت = لا تكسري في يوم .. قنينة العطر

[عبد العزيز الجرّاح]

من يوم غبتي والليالي تشابه ! =ولليوم مدري ليه كان ابتعادك ؟!
ليل وسهر وهموم ، ضيق وكآبه ! =حزن وأرق واوجاع جرح افتقادك !

[عبد العزيز الجرّاح]

أدري بأني أوحشك كل ساعه= واني على بالك ولو فيك ضيقه
وادري بعد تدرين فيني طماعه= يومٍ يمر بدون صوتك م.اطيقه
وادري بعد تدرين مر القطاعه = والحال من بعضه دقيقه، دقيقه
وتدرين عندي في غرامك مناعه = ماغيرك أحدٍ معه مني وثيقه
وادري بعد هالكون رغم اتساعه = مثلي فلا تلقين في هالخليقه

[عبد العزيز الجرّاح]

رفيق ليلي هالشعر، كيف أخليه ؟!=محدٍ يخلّي في الليالي رفيقه
هذا خويي دونه الليل م.اقضيه =مبطي وانا وياه خوّه وثيقه
وان كان يجفاني فلاني بجافيه = أشعر معاه طيور روحي طليقه
الشعر يحييني وانا دايم احييه= واتنفسه لا صار في الصدر ضيقه
م.اذكر عصاني لو صعيبه قوافيه = كل ما ندهته صوبي يعرف طريقه
مجنون شعر واعشقه حيل واغليه= وحرفٍ كتبته صعب يخفت بريقه

[عبد العزيز الجرّاح]

جيتي بدربي لين صرتي بقلبي = صدفه وتسوى بالهوى ألف موعد
في حين غيرك يحلم بيوم قربي= شرّعت لك بابٍ له اسنين موصد

[عبد العزيز الجرّاح]

وافتقدني عشق والقاني وحيد = في غياهب ليلتينٍ غيّبتك
واتساءل ليه تبقيني بعيد؟ = خايف الأيام بعدي عذّبتك
هذي الأشواق تكتبني قصيد= وادري انها شيبتبي وشيّبتك

[عبد العزيز الجرّاح]

من قبل تذري يانسيم الهبايب = مرّت علي اشهور ماشرق صباحي
الهم في قلبي كتايب كتايب= من زود حزني اقضي الليل صاحي
واليوم جيت تحث سير الركايب = لين ان نورك شّع واطلق سراحي
أنت الحبيب اللي له اشهور غايب= اللي معه والله تبرى جراحي
لا ياعديل الروح سيد الحبايب = بعدك عناي ومعك كان ارتياحي

[عبد العزيز الجرّاح]

مجنون هذا الصبح سبّة جنوني = حتى توافق مع جنوني جنونك
كثر الرسايل ما يشبّع شجوني = وادري فلا والله يوصف شجونك
الحب أسمى من قوافي فنوني = وارقى وأسمى من بيادر فنونك
الحب نعمة تنتخي قدروني = الله يحفظ ناسٍ يقدرونك
ودي عيونك لا ضمت يشربوني = لنّه عيوني لا ضمت يشربونك
ماغيرك أحدٍ إيه يملا عيوني = وادري بأني غيرهم في عيونك
يوم اتصالي من دوافع جنوني = جاني اتصالك من دوافع جنونك

[عبد العزيز الجرّاح]

بيني وبين الصبح عهد ومواثيق = ما نام انا ليلي ولا الصبح يبطي
ما دام فيني من الحزن فوق ماطيق = سود الليال من المواجيع حطي

[عبد العزيز الجرّاح]

ارتعش هالقلب من صوتٍ حنون = لين روحي لك خلتني وراحت
وجيتلك تايه وأنا قلب وعيون = وابتسامة جمرتين التوت لاحت
وامتزج عطرك مع انفاسك دخون = لين والله شمعتين الشوق ساحت
ويش أسوّي بي وانا كلي جنون؟! = اعذريني لو عزوم الصبر طاحت
لا تلوميني وأنا اشوفك فتون = لو شفاتي كل ما فيك استباحت
يالله اخذيني على عذب المزون = ياجنوني لو شربت أنفاس فاحت

[عبد العزيز الجرّاح]

ودي اجمع مع اجنوني جنونك = ودي اوصل معك شي ٍ ما وصلته
ودي آخذني واقدمني لعيونك = وتعرفين اللي لك بقلبي حملته
ما أعيش العمر بعد اليوم دونك = والله ان العمر فدوالك جعلته
قولي لصوتك على "الجرّاح" هونك = لا تقول الناس إن انتَ قتلته

[عبد العزيز الجرّاح]

قبـل امـل الشـعـر وازهــق منْه جيتي = جيتـي وانتِ مُلهمـه بكـل المواسـم
جيتي نورٍ يشعل الشعر و ضويتي = جهزي للشعر في الصبح المراسم

[عبد العزيز الجرّاح]

ياخذ صباحي نكهتـه مـن توتـك=ويفـقـد مسـائـي روعـتـه بغـيـابـك
مابيـه صبـحٍ مـا يجيبـه صـوتـك=م.اسهره ليلٍ ما تجي واحضابك

[عبد العزيز الجرّاح]

ظميتك كثر ما صوتك .. شربته ليلة البارح =ظميتك كثر ما كنتِ .. بعيده والأمل مفقود
ظميتك إيه يا حلمٍ .. يعيش بفكري السارح =ظميتك كثر ما ودّي .. اشوفك واقعٍ مشهود
ظميتك ما قويت أنكر .. وأكون لخافقي جارح =ظميتك لو شعوري لك .. تحسينه معك محدود

[عبد العزيز الجرّاح]

شلال شعره فوق متنه تنثّر= ليلٍ عرف مقدار هيبة نهاره
يا ويل قلبي كان حظي تعثّر= والظرف ما قدّر غلاي و وقاره
الدم والله بالعروق يتخثّر= ان كان ماشفته ولا جيت داره

[عبد العزيز الجرّاح]

صدري تشرّب حزن يومي وليلي= وانقطعت انفاسي وانا حيل مخنوق
والهم قيّدني ولا اطلق سبيلي = كنّي خصيمه ولاانا منْه مخلوق
ياويل حالي ، ويل ويلي و ويلي= عظيم حزني ذوّب عيون وعروق

[عبد العزيز الجرّاح]

حي صوتٍ لا لفى يروي اعروقي =يوم جفّت من غيابه ما جفيته
يوم غاب ولا شعرها نار شوقي = ذلك اللي بآخر اعماقي نفيته
حي صوتٍ صاحبه يسكن خفوقي = كم سهرته في غيابه ما غفيته
كان جاني ياحروف الشعر روقي = واظهري له اعذب اللي له خفيته

[عبد العزيز الجرّاح]

تشبهين الشعر ياهمس الغمام = والبياض اللي كسى صدر الشمال
والعطر والورد يا طهر الأنام = والصبح والنور والماء الزلال
من يحبّك والله انه ما يلام = لو يخون النّسا لجلك حلال
من تغيبي على الدنيا السلام = وان حضرتي صارت الدنيا عدال

[عبد العزيز الجرّاح]

صباحك نور ،
مثل فجرٍ صحى توّه وشّع النور

صباحك نور،
مثل غيمٍ سقى ورد وغدى ممطور

صباحك نور ،
مثل وردٍ صحيتي بغرفتك منثور

صباحك نور،
مثل ( ميمه) تفيق و توقد التنور

صباحك نور ،
مثل بسمة طفل توّه يجي للنور
صباحك نور ..

[عبد العزيز الجرّاح]

حظ الرياض بجيّتك والشوارع = كل المدينه لا وصلتي بساتين
وحظ العيون الساهره والمدامع = وحظ العروق الضاميه والشرايين
وحظ الكفوف بلمستك والمسامع = في همستك يافتنة القلب والعين
ان كان قلبك من شقا البعد جازع = أنا لك بقلبي غرام المجانين
لكن غير الشوف مالي مطامع = لو يشره الرمان والورد والتين

[عبد العزيز الجرّاح]

وين صوتٍ هزّني لامن سمعته؟ = يوم عنّي غاب، واظماني غيابه
لو سهرته طول ليلي ما شبعته = والله ان الليل من بعده كآبه

[عبد العزيز الجرّاح]

في عشره عشره عام عشره وألفين = بأكد إنك حلم قلبٍ يحبّك
ما هانت العشره ولو غبتي سنين = ولا مات حبٍ في عروقي يصبّك

[عبد العزيز الجرّاح]

وينه اللي كل ما ضاقت يخليها وسيعه.؟! = واستظل بفي صوته يوم تتدلّى عذوقه
صاحبٍ ل.امطر سحابه يزهر بصدري ربيعه = لين يورق في خفوقي كل غصنٍ من عروقه
صاحبٍ لا غاب عني ليلتي دونه شنيعه.! = كيف يحسبني اتجاهل جيته وانكر حقوقه؟!
أدري اني عشق روحه ، يدري اني ما أبيعه = مثل ماهو في خفوقي ، مثل ماني في خفوقه
ليت لي حظ يحضابه صاحب الطلّه البديعه = ويهتني عشقي وشوقي واهتني عشقه وشوقه

[عبد العزيز الجرّاح]

ما بالنهار اللي ورى طلعة النور = روحٍ لها خاطر فبعدك تعيشه
والصبح من دونك من الضّي مهجور= وش لي بصبحٍ معك ماعيش طيشه
كن العمر بعدك على الوصل مقصور= وكل الأماكن في غيابك وحيشه

[عبد العزيز الجرّاح]

يا كثر مالك في قصيدي سيره = لو كان ماهي ترتقي لعناقك
من يوم حبّك والقصايد ديره = انتِ ملكها ماتطيق فراقك

[عبد العزيز الجرّاح]

كان الوصل حلمٍ تعايش مع الذات = والعام أصبح في حياتي حقيقه
ودامٍ قطعنا في هوانا مسافات = واجب علينا اليوم نكمل طريقه
لن الغياب تضيق فيه الفضاءات = عجزت لـ.اقدر ياحبيبه أطيقه

[عبد العزيز الجرّاح]

ياحلم عمري ، يابعد كل ناسي= أنا بدونك ياغلا الروح من لي؟
يا كثر ودّي تنتهي هالمآسي=ويفرح خفوقٍ في وصالك يهلي
محدٍ شبيهك بالغلا أو يواسي= ولا غيرك أحدٍ بالمخاليق خلي
انتي مكانك فوق شم الرواسي = واموت لو غيري يحل ابمحلي
للموت أحبك لو كسرتيه باسي = يا أجمل اللي في حياتي حصلي
فديت روحك يابعد كل ناسي = فديت كلّك يا بعد كل كلي

[عبد العزيز الجرّاح]

إن كان ضاعت في حياتي حقوقي = ما يعني أرخص ياحبيبه سنينك
انتي طموحي وامنياتـي وذوقي =وحلمٍ حلمته من عرفتك رهينك
لا صار باقي في خفوقك ، خفوقي = أجمل شعورٍ كان بيني وبينك
تكفين ودّي أحفظك وسط موقي=وانام واصحى في ملامح جبينك
والله لو تدرين عن كثر شوقي=ان كان والله ما خذلني حنينك
حسّي و حنّي يا غلاتي وفوقي=ودّي تعانق مع يديني يدينك
واتبسمي مع صوت قلبي و روقي=ياملهمة شعرٍ عزفته لعينك
محتاج صوتك يشربنّه عروقي=تعبت أنادي سكّر الحلم وينك؟

[عبد العزيز الجرّاح]

لحظة سؤالك تنتشي روح غاليك = ويفز قلبه من ضلوعه يلبّي
أهلًا حبيبي اسعد الله لياليك = وحشتني واشتاقلك حيل قلبي

[عبد العزيز الجرّاح]

أحبك .. كثر ما ينبض .. خفوقٍ صار مجنونك= أحبك .. كثر ما تسهر .. عيونٍ تحلم بشوفك
أحبك .. كثر ما قلتي : حبيبي وقلت : يا عونك = أحبك .. كثر ما قلبي .. عليك يخاف ويطوفك
أحبك .. كثر ما ودي .. أوقف للحزن دونك =أحبك .. كثر ما ودك .. أجيك وأنزعه خوفك
أحبك .. كثر ما فجري .. تنفس واكتسى لونك= أحبك .. كثر ما عطرك .. عشقها راحة كفوفك

[عبد العزيز الجرّاح]

مانام ليل اليآس، صاحي عشاني !=لبّس سواده وجه كـل المعانـي !
عامين وآنا كـل ليلـه اعانـي !=واسهره وحدي وانا عازف الناي !

[عبد العزيز الجرّاح]

بنتٍ تطالع للسما ينهمر ديم = ثم تبتسم للأرض تزهر نواوير
يسعد صباحٍ جابها جنّة الغيم = وش عاد أجمل منه صبح التباشير

[عبد العزيز الجرّاح]

ودي أسولف للمسا عن غيابي != واقول : فاقدني وانا بين ناسي !
يا كيف أجمّل فيك حرف انسكابي ؟= لا صار ضيقي ممتلي فيه كاسي !

[عبد العزيز الجرّاح]

يغرس حضورك بالعيون ابتسامه = وتنبت سنابل فرحتي في حروفي
لكن صبحك ماعطاني علامه ! =أردم بها فيني مواريد خوفي

[عبد العزيز الجرّاح]

يسعد صباح اللي صباحه أسرني = اللي له حروفي مع الصبح تنساق
وإليا حصل في يوم ظرفي عثرني = م.ارسلت تصبيحه ولا ارسلت الاشواق
ألومني لو كان خلي عذرني = وشلون راح الصبح ما قلت مشتاق؟!

[عبد العزيز الجرّاح]

ماني بحاجة عيدهم لجل احبّك = لا صار حبّك كل يوم يتعدد
ولاني بحاجة وردٍ أحمر يشبّك = والشوق فينا كل لحظه يتجدد
ولاني مثل غيري وربي وربّك = أردد اللي بالخليقه يتردد
بيتين شعرٍ من خفوقٍ يحبّك = كلّ الفرح بعروق قلبك تمدد

[عبد العزيز الجرّاح]

تصدقين.؟
لو تجيني منْك هاللحظه
رسالة !
وآنا داله !
يمكن أني من العجاله !
با تلعثم !
واكتب اني فيْك افكّر :)
وانسى إني قلت :
داله ;)
شوفي فيني وش تسوّي !
لو تجيني بس رسالة .!
صدقيني ،
حالتي وياك حاله !

[عبد العزيز الجرّاح]

من ودّه يغنّي ويعزف مع الجرح؟!= من ودّه يساهر عيوني واساهره؟
من ودّه يقاسم أحاسيسي الترح؟! =ويكون لي ملهم وانا اكون شاعره

[عبد العزيز الجرّاح]

الغاده اللي فكرها لانبثق نور = ودك تعانق فكرها من رُقيّه
تحتاج مثله لا غشى الناس ديجور =يافكرها اللي فيه تسمو البريّه
متعة حواره تجعلك فيه مبهور = راقي حضوره باختلاف القضيّه

[عبد العزيز الجرّاح]

وين هالغيبه؟ وانـا تونـي معـك =اطرق ابـواب الغـرام المُلهمـه
شاعرك سهـران ودّه يسمعـك =لا تنـام عيـون فـنّ السلهمـه

[عبد العزيز الجرّاح]

حضرة جنابك مغرمه في سموّي= وانا سموّي عشق حضرة جنابك
فكرك وحبّك من يليق بعلوّي = يومٍ علوّي هايمٍ في سحابك

[عبد العزيز الجرّاح]

تكفى أبنهل صوتك العذب وألهى =عن حزني اللـي فـي غيابـك روانـي
ماعاد به أقرب من الحلـم وأشهـى=يـاكــود طـيـفـك ، لا دعـيـتـه لـفـانـي

[عبد العزيز الجرّاح]

كل ذكرى معك ، تندهلي تعال = يوم كنتي تنثريني واجمعك
واسرح بفكري على متن الخيال = لين تشربني ، كل ذكرى معك

[عبد العزيز الجرّاح]

وينك ؟!
ليه ضيعتي مع سنيني ،
سنينك؟!
وطالت الغيبة !
ولا جابك حنينك !

[عبد العزيز الجرّاح]

يا عذابي ،
كيف هالليل بغيابي؟
مثل ليلٍ مرني دونك عقيم ؟!
شعر و شعورٍ أليم ،
غربه و برد و عتيم ،
دمع واحساس اليتيم؟!

ياعذابي ،
كيف هالليل بغيابي؟
مثل ليلٍ كان ينزف به صوابي؟!
كان برد ،
وكان يتلبس ثيابي ،
وكنت أشعر بـ اغترابي ؟
كيف هاللييييل بغيابي ؟

[عبد العزيز الجرّاح]

انتهى عام وبدى عامٍ جديد = وانا عذابي م انتهى من بدابي
يشبه بصدري عمر عشقٍ وحيد = أكبر ويكبر كل م اكبر عذابي

[عبد العزيز الجرّاح]

المطر: في يوم احتفاليته الخامسة=
وش عاد لو هو بــ.اوله كان فكره= دامه رسم له وجهةٍ ما جهلها
هــذا وطــنّا ، شـف شـصــار كبـره =يا كثــرها ارواحٍ مطـرنا غسـلها
وجهـــة عــقــولٍ دلـــها فيــه ذكــره=عذبه مزونه يرتوي من نهلها
ومن كان حرفـه راقيٍ معه فكــره=ما يـوم بـيـبانه بوجـهـه قفـلها

[عبد العزيز الجرّاح]

ما سد جوعي بالهوى يوم قطعه = إما رغيف الحب ، ولا افتراقي
واعرف إلى قفّيت ما فيه رجعه = لو كان في فرقاك جمر احتراقي

[عبد العزيز الجرّاح]

كل صبح اتنفسه شوق وحنين = ودي ان اتنفسك بوسة غرام
يعني أصحى لا شعرتك ترسمين = في شفاتي بوسةٍ تقطر هيام